Tımırázev aýdanyndaǵy Jarqyn orta mektebiniń “Shabyt” dombyrashylar ansambli Nur-Sultan qalasynda ótken respýblıkalyq “JasStar” festıvaline qatysyp, laýreat atandy.
“Aspapta oryndaý” atalymy boıynsha birinshi oryndy qanjyǵalaryna baılaǵan jerlesterimiz óńir namysyn abyroımen qorǵady. Qazaqstannyń eńbek sińirgen qaıratkeri, ánshi Marjan Arapbaeva sıaqty belgili ónerpazdardyń alǵysyna bólengen dombyrashylar bul baıqaýdan erekshe ásermen oraldy. Bul oraıda balasy báıgege tússe, taqymyn qysyp, árqashan qoldaý bildiretin ata-analar men demeýshilik kómek kórsetken “Jarqynkól” jaýapkershiligi shekteýli seriktestiginiń dırektory Samat Ibraevqa mektep ujymynyń rızashylyǵy sheksiz ekenin aıtyp ótken jón.