Петропавлдағы әлеуметтiк қызмет көрсету орталығының мамандары қарттар айлығы аясында мүмкіндігі шектеулі жандарға қолдау көрсету мақсатында бірқатар іс-шаралар өткізді.
1982 жылы негізі қаланған орталықта бүгінде он сегіз жастан асқан жүйке жүйесі ауруларына шалдыққан 300-ден астам адамға әлеуметтік тұрмыстық, медициналық педагогикалық, психологиялық көмек көрсетіледі. Орталықта 170-ке жуық адам еңбек етуде. Жақында мүмкіндігі шектеулі жандар облыстық тарихи-өлкетану мұражайына экскурсия жасап, музыкалық кештің куәсі болды. Сондай-ақ, олар облыстық жұмыспен қамтуды үйлестіру және әлеуметтік бағдарламалар басқармасы ұйымдастырған спартакиада да төбе көрсетіп, шахмат пен дойбыдан өткен турнирлерде үздік нәтижеге қол жеткізді. Жылы сөзге жандары жадырап, жүзінен мейірім төгілген жандарды сол кездегі қуанышты көңіл күйін сөзбен айтып жеткізу мүмкін емес.
Өңір аудандары да қайырымдылық шарасынан тыс қалған жоқ. Әр аудан атынан қамкөңіл жандарға сый-сияпат жасалды. Өздеріне көрсетілген қолдау мен құрметке олар дән риза.
Сымбат ҚОҢҚАШЕВА,
Петропавл әлеуметтік қызмет
көрсету орталығының маманы.