Мемлекеттік қызметтерді электронды форматта алу бүгінгі таңда ерекше сұранысқа ие. Төтенше жағдайда бұл қажетсіз байланыстардан аулақ болуға, сонымен қатар өздерін және жақындарын қорғауға мүмкіндік береді.
Қазірдің өзінде 694 қызметтің 608-ін “Электронды үкіметтің” веб-порталында online режімде алуға болады. Бұл мемлекеттік көрсетілетін қызметтердің жалпы санының 80 пайызын құрайды. Алпысқа жуық ең танымал қызметтерді “E-gov mobile” ұялы қосымшасы арқылы алу мүмкіндігі іске асырылды. Электронды цифрлық қолтаңбаның қажеттілігі жоқ, “face-ID” тұлғаны сәйкестендіруді, “touch-ID” саусақ биометриясын немесе бірреттік смс-парольді қолдануға болады.
Сондай-ақ, қызметтер “Facebook”, “ВКонтакте” әлеуметтік желілер арқылы қолжетімді. “ТелеграмБот”-та 43 қызмет іске қосылды.
Аталған қосымшаларды “PlayMarket”-тен немесе “AppStore”-дан жүктеп, ұялы телефонға орнату қажет. Мемлекеттік қызметтерді алу және мобильді қосымшалардың жұмыс істеуі және пайдалану мәселелері бойынша бірыңғай байланыс орталығына – 1414 нөмірі арқылы хабарлауға болады.
Халыққа қызмет көрсету орталықтарына және мемлекеттік органдарға баруды барынша азайтуға шақырамыз!
Индира БӘЖЕНОВА,
Мемлекеттік қызмет істері
агенттігі облыстық департаментінің бас маманы.