Солтүстік Қазақстан облысы жастар мәслихатының бастамасымен Петропавлдағы арнайы орта білім беретін оқу орындарының студенттері “Таза жағалау” акциясын өткізді. Бұл шараға қатысқан облыс орталығындағы 9 колледждің оқушылары Пестрое көлі мен Есіл өзенінің жағасын қоқыстан тазартты. Жай сенбілік емес, жарыс түрінде өткізілген акция барысында Солтүстік Қазақстан педагогикалық колледжінің студенттері 546 келі қоқыс жинады. Екінші орын Машина жасау колледжі өкілдерінде, ал үшінші орын Мағжан Жұмабаев атындағы жоғары педагогикалық колледждің еншісінде. Шараға қатысқан 165 студент 2 тоннаға жуық қоқыс жинап, қаламыздың тазалығына үлес қосты.
Сағындық МАУҒАЗИН,
“Soltüstık Qazaqstan”.