Sábıt Muqanov atyndaǵy oblystyq ǵylymı-ámbebap kіtaphanada esіmі óńіr jurtshylyǵyna belgіlі aqyn, jazýshy Aleksandr Kýrlenıanyń oqyrmandarmen kezdesý keshі óttі. Ádebı sharaǵa jınalǵandar qalamgerdіń shyǵarmalarymen, sońǵy jyldary jazǵan óleńderіmen tanysty.
Aleksandr Iýrevıchtіń esіmі ádebı ortaǵa 1996 jyldan bastap tanyla bastady. Ol osy kezderі túrlі respýblıkalyq ádebı baıqaýlarǵa qatysyp, júldelі oryndardy enshіledі. Óleńderі men áńgіmelerі bіrqatar ádebı basylymdarda jarııalandy.
Qalamger shyǵarmalarynyń basty taqyryby — adam boıyndaǵy kórkem mіnezder men jaqsy qasıetter, mahabbat pen syrshyl sezіm. Názіk lırıkalyq óleńderі oqyǵan adamǵa ádemі kóńіl kúı syılaıdy.
Keshke jınalǵan zııaly qaýym ókіlderі men stýdentter, mektep oqýshylary jazýshy kіtaptarynyń mazmuny, janry jaıly áńgіme órbіttі. Olardyń nazaryn qalamgerdіń kіtaptary qoıylǵan kórme aýdardy. Ózі jetekshіlіk etіp otyrǵan Murat Aıthojın atyndaǵy №1 orta mektep oqýshylary óleńderіn oqyp, shyǵarmalarynyń jelіsі boıynsha sahnalyq qoıylym kórsettі.
“Qyzyljar-Aqparat”.