Babalarymyz aqqýdy qustyń tóresine sanaǵan, sulýlyqtyń sımvolyna balaǵan. Adam sıaqty jup qurap ómir súretindikten, kıeli kórgen. Olar jylda jazda Qyzyljar óńirine ushyp kelip uıa salady, balapan basyp shyǵarady.
Ádette sáýirdiń basynda teriskeıge suńqyldaı oralatyn qus tóresiniń bıyl erte oralýyn yrymshyl qazaq jaqsylyqqa jorysa, orman sharýashylyǵy jáne janýarlar álemi aýmaqtyq ınpeksıasynyń bólim jetekshisi Oleg Bespalov ádetki jaǵdaıǵa balaıdy.
Aqqýdyń 7-8 túri bar. Olardyń bes-altaýy soltústik jartyshardy, ekvatordyń ońtústik jaǵyn mekendese, suńqyldaq, sybyrlaq túrleri Qazaqstanda kezdesedi. Qystaıtyn jerleri – Qara teńiz, Kaspı teńiziniń mańaıy. Negizinen sý ósimdigimen, usaq jándiktermen qorektenedi. Soltústikke qaraı asyǵýlaryna qaraǵanda erte kóktemniń jyly habarshysy sıaqty. Úırekter de orala bastady. “Jasandy jyly sý qoımalarynda júrse, esh qorqynysh joq. Kúndelikti baqylaýda ustaıtyn bolamyz”, – dedi Oleg Borısovıch.
Byltyr kúzde kúnniń kúrt sýytýynan jyly jaqqa usha almaı qalǵan 10 aqqýdy qytymyr qys qyspaǵynan memlekettik ınspektorlar qutqarǵan bolatyn.
Ómir ESQALI,
“Soltústik Qazaqstan”.