Qyzyljar aýdanynyń ortalyǵyndaǵy “Parasat” mektep-lıseıinde “SCIENCE TEAM” qaýymdastyǵynyń “Jaratylystaný-matematıkalyq baǵyttaǵy pánderge aǵylshyn tilin engizýdiń alǵashqy qadamdary” atty oblystyq semınary ótti. Semınardyń maqsaty – úshtildi bilim berýdiń sabaqtastyǵyn qamtamasyz etý. Semınarǵa Aqqaıyń, Esil, Mamlút, Qyzyljar aýdandarynan jáne qala mektepteriniń bıologıa, fızıka, ınformatıka pánderiniń muǵalimderi qatysty. Jaratylystaný-matematıkalyq baǵyttaǵy pánderdi aǵylshyn tilinde oqytatyn muǵalimder Nursultan Janymhan, Talǵat Bıgeldınov, Aqylbek Aıtymov tájirıbelerimen bólisip, zamanaýı bilim berý tehnologıalarymen tanystyrdy.
Oqýshylar kelgen qonaqtarǵa úsh tilde mektep murajaıyn tanystyryp, shaǵyn konserttik baǵdarlama uıymdastyrdy. Semınarǵa qatysýshylar qyzyqty ádis-tásildermen, ozyq tájirıbelermen tanysqandaryna alǵystaryn bildirdi.
Almagúl SÁDÝOVA,
“Parasat” mektep-lıseıi dırektorynyń orynbasary.
Qyzyljar aýdany.