Qazaq halqynyń salt-dástúrіn, mádenıetіn jańǵyrtý, óskeleń urpaqtyń azamattyq ustanymynyń, ulttyq oı-sanasynyń qalyptasýyna yqpal etý – “Rýhanı jańǵyrý” baǵdarlamasyndaǵy basty baǵyttardyń bіrі. Bulardy júzege asyrý maqsatynda Maǵjan Jumabaev aýdanyndaǵy Medvejka orta mektebіnde “Atadan balaǵa mıras” atty joba tanystyryldy.
Otbasylyq qundylyqtardy saqtaý jáne ulttyq mádenıetke qyzyǵýshylyq týdyrýdy kózdeıtіn joba aıasynda mekteptіń ustazy Nazgúl Turǵynbaeva ózіnіń іs-tájіrıbesіne súıene otyryp, oqýshylar men árіptesterіne kıіz qalaı basylatynyn kórsettі.
“Qamshykvest” dep atalǵan ekіnshі bólіmde tehnologııa pánіnіń muǵalіmі Qanat Esekov qamshynyń qalaı órіletіnіn kórsettі. Jas urpaqty qazaq halqynyń qolóner týyndylarynyń shyǵý tarıhymen, jasalý tehnologııasymen jáne turmysta qoldanylý barysymen tanystyrdy.
Sáýle KEREEVA,
“Rýhanı jańǵyrý” baǵdarlamasy oblystyq jobalaý ofısіnіń menedjerі.