Elimizdiń joǵary oqý orny stýdentteri arasynda bes asyqtan týrnır ótti.
Asyq adamdy dáldikke, eptilikke, shıraqtylyqqa, ustamdylyqqa, alǵyrlyqqa tárbıeleıtini belgili. Al jastar arasynda keńinen tanymal bes asyq oıyny saýsaqtyń ıkemdiligin arttyrady. Osy oraıda elimizdiń Bilim jáne ǵylym mınıstrligi janyndaǵy Ulttyq ǵylymı-praktıkalyq dene tárbıesi ortalyǵy jáne asyq atý federasıasynyń uıymdastyrýymen onlaın úlgide ótken týrnırge ár joǵary oqý ornynan eki stýdent qatysty. Tartysty ótken jarysta jekeleı esepte M.Qozybaev atyndaǵy SQÝ-diń stýdenti Altynaı Sovet 2-oryndy ıelenip, medál jáne dıplommen marapattaldy.
Dıana HALIMOVA,
M.Qozybaev atyndaǵy SQÝ-diń medıa ortalyǵynyń bas redaktory.