Sábıt Muqanov atyndaǵy oblystyq ǵylymı-ámbebap kitaphanada ekonomıka taqyrybynda TED-h formatyndaǵy dástúrli shara ótti. Kitaphana oqyrmandary osy joly ekonomıka salasy boıynsha bilimderin tolyqtyryp, bıznes ashýdyń qyrsyryna qanyqty.
“Álfa-Bank” AQ-nyń qyzmetkeri Krıstına Marakýshkına ekonomıka bul otbasynyń búdjetin bir aıǵa josparlaýmen nemese paıda tabýmen shektelmeıtinin, budan da mańyzdy ról atqaratynyn qarapaıym tilmen túsindirdi. “Kez kelgen adam ekonomıka salasynyń qarapaıym erejeleri men talaptaryn óz paıdasyna oraı paıdalana otyryp, odan úlken tabysqa kenele alady. Qazirgi naryq jaǵdaıynda elimizde óz bıznesińdi ashyp, damytý úshin kóptegen jeńildikter usynylýda. Sizderdiń de táýekelge bel býyp, ómir súrý deńgeıin jaqsarta túsýge múmkindikterińiz mol”, – dedi bank menejeri.
Mamannyń leksıasyn tyńdaýǵa kelgen stýdentter bolashaqta jeke is ashýdy josparlaıdy. Sondyqtan olar ekonomıka salasyn jetik biletin ózge de mamandarǵa saýaldar qoıyp, bilimderin tolyqtyrdy.
Gúlbıke KÝBENOVA,
“Soltústik Qazaqstan”.