Oblystyq tilderdi damytý jónindegi basqarma 16-27 qyrkúıek aralyǵynda Qazaqstan halqy tilderiniń XXI festıvali aıasynda “Aty-jónimizdi qazaqshalaý – rýhanı jańǵyrýdyń bastaýy” aksıasyn ótkizýde. Sharanyń maqsaty Qazaqstan Respýblıkasy Prezıdentiniń 1996 jylǵy 2 aqpandaǵy “Ulty qazaq azamattarynyń tegi men ákesiniń atyn jazýǵa baılanysty máselelerdi sheshý tártibi týraly” Jarlyǵyn túsindirý arqyly óskeleń urpaqty óz aty-jónderin qazaqshalaýǵa shaqyrý bolyp otyr.
Basqarma mamandary osy baǵytta ál-Farabı mektep-lıseıiniń, №25 orta mekteptiń jáne qalalyq klassıkalyq gımnazıanyń oqýshylarymen kezdesip, úgit-nasıhat sharalaryn júrgizdi. Kezdesý barysynda balalarǵa aqparattyq rolıkter kórsetilip, 2021 jyldan bastap latyn grafıkasyna kóshý erejeleri túsindirildi. Basqarmanyń bólim basshysy Ernıaz Sultanovtyń aıtýyna qaraǵanda, óskeleń urpaq ókilderi arasynda aty-jónin qazaqsha resimdegisi keletinderdiń qatary mol. Túsindirý jumystary ózge de bilim oryndarynda jalǵasyn tappaq.
“Qyzyljar-Aqparat”.