Qazaq ádebıetiniń kórnekti ókili, qoǵam qaıratkeri Sábıt Muqanovtyń 120 jyldyǵyna oraı Qyzyljar qalasyndaǵy teatr ujymy jerlesimizdiń shyǵarmalaryn keńinen nasıhattaýda. Akterler onlaın túrde jazýshynyń eńbekterinen úzindi oqyp, kópshiliktiń yqylasyna bólenýde. Solardyń biri – Nurbol Qumarsha.
– Bul jobany júzege asyrýǵa teatrdyń kórkemdik jetekshisi Farhat Moldaǵalı usynys bildirdi. Basty maqsatymyz – belgili jazýshynyń shyǵarmalaryn kópshilikke keńinen nasıhattap, teatrǵa kórermenderdi tartý. Tyń bastama kóńilden shyǵýda, – dedi Nurbol Qumarsha. Sábıt Muqanovtyń shoqtyǵy bıik týyndylarynyń biri “Ómir mektebi” romanynan úzindi oqyǵan jas darynnyń ónerine kórermender tánti boldy.
Aldymen Oral qalasyndaǵy Qurmanǵazy atyndaǵy saz kollejinde, keıin NurSultan qalasyndaǵy Qazaq ulttyq óner ýnıversıtetinde bilim alǵan jas akter birer jyl buryn Sábıt Muqanov atyndaǵy oblystyq qazaq sazdy-drama teatrynyń ónerpazdar quramyn tolyqtyrǵan. Búginde ol “Soldat kúndeligi”, “Daýylpaz baba – Qojabergen”, “Qasiret” syndy spektáklderde túrli rólderdi somdap, kórermenderge tanylyp ta úlgerdi.
Aqmaral ESDÁÝLETOVA,
“Soltústik Qazaqstan”.
SÝRETTE: N. Qumarsha.