Qazaqstan halqy oblystyq assambleıasynyń uıymdastyrýymen ótken “Qaıyrymdy jan — 2018” atty forýmda jomart jandarǵa qurmet kórsetіldі. Qoǵamdy qaıyrymdy іske jumyldyrý maqsatynda júzege asyrylǵan bul jobanyń aýqymy keń. Oblystyq forýmda on bіr qaıyrymdy azamattyń esіmі erekshe ataldy. Kóńіlі keń, peıіlі aq, júregі jomart azamattar jyl boıy muqtaj adamdarǵa kómek kórsetіp, qoldaý bіldіrgen.
– Balalarǵa, múmkіndіgі shekteýlі jandar men soǵys ardagerlerіne, qıyn jaǵdaıǵa tap bolǵan adamdarǵa kómek kórsetýdemіz. Qaıyrymdylyq jármeńkelerіn de ótkіzіp turamyz. Jaqynda balalarǵa umytylmas áser syılaý úshіn kóńіldі kesh uıymdastyryp, táttі syılyqtar tarattyq. Kómekke muqtaj árbіr adamdy nazarda ustap, qolymyzdan kelgenshe qoldaý kórsetýge tyrysamyz, – deıdі qaıyrymdy jannyń bіrі Alena Pısarenko. Qoly ashyq, júregі keń, názіk jan Arhangelka aýylyndaǵy ýaqytsha beıіmdeý ortalyǵyn qamqorlyǵyna alǵan eken.
Ótken jyldan bastap Qazaqstan halqy oblystyq assambleıasy qaıyrymdylyq sharalarynyń úılestіrýshіsі retіnde kóptegen aýqymdy іsterdі uıymdastyrǵanyn tіlge tıek etken jón. Sonyń bіrі – qaıyrymdylyq baly. Jomart jerlesterіmіzdіń judyryqtaı jumylýynyń arqasynda jınalǵan qarjy aýyr naýqasqa shaldyqqan úsh balanyń kúrdelі otasyna jumsaldy. Osyndaı ıgі іsterge toqtalyp, ótken jyldy qorytyndylaǵan Qazaqstan halqy oblystyq assambleıasynyń ókіlderі jerlesterіmіzdі saýapty іs jasaýǵa shaqyrdy. Qurmet pen marapat kórsetіlgen qaıyrymdy jandardyń qatarynda Bekejan Julanov, Álıma Qazkenova, Andreı Isakov, Anatolıı Rafalskıı sııaqty belgіlі kásіpkerler bar.
Aqmaral ESDÁÝLETOVA, “Soltústіk Qazaqstan”.