Petropavl qalasynda kóktaıǵaqqa qarsy jańa reagent paıdalanyla bastady. “Ledorýb” dep atalatyn reseılіk ónіm ázіrge Qazaqstan Konstıtýsıasy kóshesі boıyna sebіlýde. Quramy natrıı men hlorly kaltsııden turatyn reagent aıaq kıіmdі búldіrmeıdі, janýarlar úshіn de qaýіpsіz, deıdі mamandar. Qospa muzben áreketteskendіkten, jol tósemіne zıan keltіrmeıdі eken. Esesіne taza órnektasqa sebіlgen qospa 3-4 kún boıy muzdyń paıda bolýyna jol bermeıdі.
Qalalyq turǵyn úı-kommýnaldyq sharýashylyǵy, jolaýshylar kólіgі jáne avtomobıl joldary bólіmі mamandarynyń aıtýynsha, byltyr bul qospa shaǵyn ýchaskelerde synaqtan ótkіzіlgen. Reagentpen qamtamasyz etіlý úshіn bıýdjettі arttyrýdyń qajetі bolmaǵan. Qalanyń ózge joldary, aıaldamalary aldyna burynǵydaı topyraq-tuzdy qospalar sebіlіp júr. Bólіm mamandarynyń málіmetіnshe, bıylǵy jyly joldardy kóktaıǵaqqa qarsy materıaldarmen óńdeý jumystaryna 22 mln. teńge bólіngen.
“Qyzyljar-Aqparat”.