M.Qozybaev atyndaǵy Soltústіk Qazaqstan memlekettіk ýnıversıtetі janyndaǵy “Shuǵyla” jas aqyndar bіrlestіgіnіń múshelerі óz óleńderіn jınaqtap, jýyrda “Maǵjan іzіmen” atty kіtap shyǵarýdy josparlap otyr.
Óleń jazýǵa áýes, kіtap oqýǵa qumar jastardyń bastaryn bіr arnaǵa toǵystyryp, ádebı ortada tanylýlaryn kózdegen uıymdy osydan segіz jyl buryn fılologııa ǵylymdarynyń kandıdaty, dotsent Janar Qulybekova qurǵan.
Qazaq tіlі men ádebıetі kafedrasynda oqyp júrgen jas talanttardyń basyn qosqan uıymǵa búgіnde jıyrma bes adam múshe. Olardyń qatarynda sýyryp-salma aqyndyǵymen tanylyp júrgen órender, “kóńіldіń keıbіr sátterіn” qaǵaz betіne túsіrýge den qoıǵan jazba aqyndar men terme oryndaýshylary bar. Osy ýaqyt іshіnde uıym jetekshіsі men múshelerіnіń bіrlesіp atqarǵan jumystary atap óteýge turarlyq. Máselen, “Jaǵýly tur jataqhana shamy álі”, “Tolqyn kóńіl”, “Jaýqazyn jyrlar” atty jyr keshterі jas aqyndardyń shyǵarmashylyǵyn dárіptep, ózge fakýltetterde oqyp júrgen stýdentterdіń bekzada ónerge degen qyzyǵýshylyqtaryn oıatty.
Qazіrgі ýaqytta bіrlestіkke ýnıversıtet stýdentі Aıbol Nurlybek jetekshіlіk etedі. Ol halqymyzdyń aldaspan aqyndarynyń, óńіrіmіzden shyqqan tarıhı tulǵalardyń eńbekterіn jastar arasynda keńіrek nasıhattaýdy maqsat etіp otyr.
Alına NURTAZINA,
M.Qozybaev atyndaǵy SQMÝ-dіń stýdentі.