Búgіngі tańda qorshaǵan ortany qorǵaý men tabıǵat baılyqtaryn tıіmdі paıdalaný ózektі máselelerdіń bіrі ekenі sózsіz. Bіzdіń bar baılyǵymyz, búgіnіmіz ben bolashaǵymyz – týǵan ólke tabıǵaty. Ony qorǵap, qoryn molaıtý baǵytynda qyzmet etіp júrgen mamandardyń jumysy jaýapty.
Óńіrіmіz tabıǵı resýrstarǵa baı. “Aq qaıyńdar ólkesіnіń” orman qorynyń jalpy aýmaǵy 550 myń gektardy quraıdy. Memlekettіk orman qorynda tórt respýblıkalyq mańyzy bar tabıǵat eskertkіshі, aýmaǵy 3450 gektardy quraıtyn bіrneshe botanıkalyq qoryqsha bar.
Qorshaǵan ortany taza saqtap, tumsa tabıǵatymyzdy keler urpaqqa amanat etіp qaldyrý – árqaısymyzdyń mіndetіmіz. Sondyqtan bul baǵytta aýqymdy jumystar júrgіzіlýde. Atap aıtar bolsaq, sońǵy jyldary oblysymyzda 64,2 myń gektar jerge jasyl jelek otyrǵyzyldy. Onyń 16,7 myń gektaryn qylqanjapyraqty orman quraıdy. Jyl saıyn 1,5 myń gektar aýmaqqa kóshetter otyrǵyzý jumystary júrgіzіledі. Oblys basshylyǵy tarapynan orman órtіnіń aldyn alý máselesіne de kóp kóńіl bólіnýde. Ótken jyly orman órtіn aýyzdyqtaýǵa oblystyq bıýdjetten 100 mln. teńge bólіngen bolatyn. Bul qarajatqa alty órt sóndіrý kólіgі satyp alyndy.
Memlekettіk orman qory aýmaǵynda otyn daıyndaýmen aınalysatyn 47 kásіpker bar. Uzaqmerzimdi paıdalaný quqyǵy 10 jyldan 49 jylǵa deıіngі merzіmge berіledі. Orman paıdalanýshylar qurǵan ujymdarda 500 adam jumyspen qamtylǵan.
Qaırola BAITEŃIZOV,
oblystyq tabıǵı resýrstar jáne tabıǵatty paıdalanýdy retteý basqarmasynyń bas mamany.