Oblys ortalyǵynda bir aı buryn “Aýtızm. Álem barlyǵy úshin bir” psıhologıalyq-pedagogıkalyq túzeý kabıneti ashylǵan edi. Burnaǵy kúni oblystyq qoǵamdyq keńestiń ókilderi men bilim salasynyń ardagerleri mekemege at basyn buryp, tynys-tirshiligimen tanysty.
Mamandar qonaqtarǵa ortalyqtyń jumysy jaıly aıtyp berdi. Oblysta aýtızm dertine shaldyqqan balalardyń sany 400-den asady. Jańa ortalyqta olarǵa tegin kómek kórsetiledi. Bul jerde ár balamen jeke ońaltý jumystary júrgiziledi. Bolat Ótemuratovtyń qaıyrymdylyq qorynyń qoldaýymen iske qosylǵan ortalyqtaǵy dáristerge qatysýǵa búginde 150-den astam balanyń ata-anasy ótinish bildirgen.
Búgingi kúnge deıin onnan astam pedagog-defektolog, psıholog mamandar arnaıy kýrstan ótti. Sondaı-aq, ortalyq jumys isteýge qajetti quraldarmen jáne tehnıkamen tolyq jabdyqtalǵanyn aıta ketken jón. Al jeltoqsan aıynda “barokamera” medısınalyq jabdyǵyn satyp alý josparlanyp otyr.
Ortalyq jumysymen tanysqan oblystyq qoǵamdyq keńes músheleri men ardagerler balalarmen ótken dáristerge de qatysty. Meımandar aldaǵy ýaqytta ortalyqtyń jumysyn jandandyrýǵa qatysty oı-pikirlerin ortaǵa saldy.
Jansaıa QAIYPOVA,
oblystyq bilim basqarmasynyń
baspasóz hatshysy.