Sábıt Muqanov atyndaǵy oblystyq ǵylymı-ámbebap kitaphanada Qazaqstan halqy Asambleıasynyń 25 jyldyǵyna oraı “Lıteratýra v dıaloge kúltýr” degen taqyrypta konferensıa uıymdastyryldy.
Oblystyq ardagerler keńesi janyndaǵy mádenı-buqaralyq jáne sportyq sharalar jónindegi komı-sıanyń tóraıymy Vanda Polákova jazýshy, kórkem aýdarmanyń has sheberi Geróld Belger jaıynda oı órbitti. Qıynqystaý kezeńde kóptegen ult ókilderine qamqor bolǵan qazaq eliniń jomarttyǵyn, keńpeıil, qonaqjaılyq qasıetterin barynsha sezingen qalamger ómiriniń sońyna deıin ózin “qazaqtyń bir ulymyn” deýmen ótti. Eki el ádebıetinen sýsyndap ósken qoǵam qaıratkeri qazaq-nemis baılanysyn nyǵaıta tústi. Belgerdiń ózge de eńbekterin sóz etken Vanda Afanasevna qazaqtyń bas aqyny Abaı Qunanbaıuly men Aleksandr Pýshkınniń murasy Qazaqstannyń kórshi elmen tatýlyqta, túsinistikte ómir súrýine negiz bolyp otyrǵanyn aıtty.
Konferensıa barysynda oqyrman qaýym birlik pen kelisimniń úzdik úlgisin kórsete bilgen elimiz jaıynda beınefılm tamashalady. Uıymdastyrýshylar kitap kórmеsin ázirlep, jurtshylyqqa qazaq, tatar, ýkraın jáne ózge halyqtardyń úzdik ádebıetterin usyndy.
Elena SKAKÝNOVA,
Sábıt Muqanov atyndaǵy oblystyq ǵylymı-ámbebap kitaphananyń qyzmetkeri.