Облыс орталығында велоспорттан жарыс өтті. Шоқан Уәлиханов көшесінің бойында өткен қала біріншілігінің “критериум” кезеңінде өз топтарында Владимир Мулагалеев, Никита Кабачек, Ахберт Сыздыков және Александр Самусенко жеңімпаздар атанса, қыздар арасында облыстық спортқа дарынды балаларға мамандандырылған спорт мектебінің өкілі Назгүл Мырзахметова үздік шықты.
Доданың екінші күні спортшылар тас жолдағы жеке сайыста бақ сынады. Жарыстың қорытындысы бойынша, 5 шақырымда – Владимир Мулагалеев, 13-14 жас тобында – Никита Кабачек, 20 шақырымда – Ахберт Сыздыков, 17 жастағылар тобында Богдан Гапотченко мәре сызығын бірінші болып кесті.