Петропавлда ерекше белгілері бар жеңіл көліктер пайда болды.
Мемлекеттік органдар көліктерінің тек қана қызмет бабында пайдаланылуын бақылау мақсатында елімізде арнайы акция басталды. Оның барысында шенеуніктердің көліктеріне телефон нөмірі жазылған арнайы стикер жабыстырылуда.Мемлекеттік қызметшінің қызметтік көлікті жеке мақсатта пайдаланғанын, көлік жұмыстан тыс уақытта сауда, ойын-сауық мекемелерінің маңында тұрғанын көрген азаматтар тиісті органдарға хабарлай алады. Сөйтіп, мемлекеттік қызметшілердің әдеп кодексін бұзбауы қадағаланбақшы.