Бүгін Петропавлда Қазақстан Республикасы Тұңғыш Президенті қорының күндері басталды.
Шара барысында жергілікті билік өкілдерімен жастарды қолдау, қоғамдық маңызды екі жақты жобаларды жүзеге асыру мәселелері талқыланады. Қор өкілдері Сәбит Мұқанов атындағы облыстық ғылыми-әмбебап кітапханаға компьютерлер сатып алуға 3 млн.теңге көлемінде қаржылай қолдау көрсетпекші. Жергілікті оқу орындарында жастармен кездесулер, шеберлік сағаттары, семинарлар өтеді. Ал кешке Погодин атындағы драма театрында Президент қоры сыйлығының лауреаттары атанған отандық опера жұлдыздарының концерті ұйымдастырылмақшы.