Шал ақын аудандық полиция бөлімі патрульдік полиция қызметкерлері далалы жолда Сухорабовка ауылының 30 жастағы тұрғынын удай мас болып, рөлге отырғанында ұстады.
Ол 2018 жылы Ақмола облысының Бурабай аудандық сотының шешімімен үш жылға көлік жүргізу құқығынан айырылған екен. Алайда бұл оқиға оған сабақ болмаған. Заңды елемей ол рөлге қайта отырған.
Екінші рет 2020 жылғы қыркүйекте ол Солтүстік Қазақстан облысы Шал ақын аудандық сотының шешімімен көлік құралын басқару құқығынан айырыла отыра, шартты түрде 2 жылға бас бостандығынан айыру жазасына кесілген. Енді міне, екі ай өтер-өтпестен қайта ұсталды, тағы да мас күйінде…
Шал ақын ауданының тергеу судьясы күдіктіге қатысты екі айға қамаққа алу түріндегі бұлтартпау шарасын санкциялады.