Өткен жылы Қызылжар өңірінде 572 заңды тұлға тіркеліп, 189 шаруашылық субъектісі өз қызметіне кірісіп кеткен.
Олардың барлығы дерлік шағын кәсіпорындар екен, тек екеуі ғана орта бизнеске жатады. Жаңа кәсіпорындардың басым бөлігі көтерме және бөлшек сауда, автокөлік жөндеу, ауыл, орман және балық шаруашылығы, өнеркәсіп, құрылыс салаларында ашылған.
Алайда осы мерзімде 540 шаруашылық субъектісі таратылған көрінеді. Жалпы бүгінгі күні облыс бойынша 10 мыңнан астам заңды тұлға тіркелген.