ШЕТЕЛДІКТЕРДІ ТІРКЕУДЕГІ ӨЗГЕРІСТЕР

2020 жылғы 11 қаңтардан бас­тап “Қазақстан Республикасының кейбір заңнамалық актілеріне қыл­мыстық, қылмыстық-процестік заң­на­маны жетілдіру және жеке адам құқықтарының қорғалуын кү­шейту мәселелері бойынша өзге­ріс­тер мен толықтырулар енгізу ту­ра­лы” Қазақстан Республикасы­ның Заңы күшіне енді.

Осы заңға мынадай өзгеріс­тер мен толықтырулар енгізілді:
– барлық шетелдіктер 30 тәу­лік­ке дейін тіркеуден босаты­ла­ды;
– 30 тәуліктен көп мерзімге кел­ген шетелдіктер (жұмысқа, оқуға, емделуге, сондай-ақ, отбасын бі­ріктіру мақсатында және тұрақты тұруға келгендер) уақытша тұруға арналған рұқсатты ресім­деуге міндетті.
Оны алу үшін шетелдіктерге көші-қон қызметі бөліміне жүгіну қажет емес, ресімдеу үшін жа­уапкершілік оларды қабылдайтын Қазақстан Республикасының же­ке және заңды тұлғаларына жүк­теледі.
Шетелдіктердің келгені үшін бар­лық жауапкершілік шетелдікті қабылдаушы және шақырушы та­рапқа жүктеледі, ол міндетті түрде тұрғылықты жері бойынша неме­се шетелдік келген күннен бастап үш жұмыс күні ішінде визалық көші-қон порталы арқылы көші-қон қызметінде хабарламаны ресімдейді. Визалық көші-қон порталы арқылы ресімдеу үшін электронды-цифрлық қолтаңба (ЭЦҚ) қажет.
Уақытша тұруға арналған рұқсатты ресімдеу үшін қажетті құжаттардың тізімі:
– уақытша тұруға рұқсат алуға өтініш;
– визасыз жүру туралы келісім ратификацияланған шетелдіктің немесе азаматтығы жоқ адамның жеке басын куәландыратын құжаты;
– еңбек қызметін жүзеге асыру үшін өкілетті органның берген рұқ­саты немесе шетелдіктің өз бетін­ше жұмысқа орналасу үшін білік­тілік сәйкестігі туралы анықтама, жеке тұлғаларда еңбек қызметін жүзеге асыруға көші-қон қызметі­мен берілген рұқсаты қосымша ұсы­нылады, ЕАЭО елдерінің аза­маттары еңбек және азамат­тық-құқықтық шартты ұсынады;
– отбасын біріктіру мақсатында Қазақстан Республикасына кел­гендердің шақырушы адаммен от­басылық қатынастарын растай­тын (түпнұсқасымен салысты­рыл­ған) құжаттардың көшірмеле­рі қосымша ұсынылады. Елімізге отбасын біріктіру мақсатында кел­гендерді шақырушы адамның от­басы мүшелері:
– кәмелеттік жасқа толған, Қа­зақстан Республикасы заңнама­сы­на сай некеде ке­мін­де үш жыл тұрған жұбайы;
– он сегіз жасқа толмаған, неке­де тұрмайтын және шақырушы адамның асырауында жә­не/немесе қамқорлығында, оның ішінде асырап алған балалары;
– он сегіз жастан асқан, некеде тұрмайтын, денсаулық жағдайы­на байланысты өзін-өзі қорғауға қабілетсіз, оның ішінде асырап алған балалары;
– еңбекке жарамсыз ата-аналары;
– Қазақстан Республикасының және/немесе шет мемлекеттің мемлекеттік органдары ұсынған отбасының өзге де мүшелері.
– Қазақстан Республикасы об­лыстарының (республикалық ма­ңызы бар қаланың, елорданың) жер­гілікті атқарушы органдарына бизнес істеу мақсатымен келу­шілер де келушілер өтінішхат береді.
Ал білім алу мақсатымен кел­ген­дер білім алу мәселелері бо­йын­ша Қазақстан Республикасы­ның оқу орнының немесе еліміздің уәкілетті органының қолдаухатын ұсынады.
– айрықша жағдайларда (әлеу­мет­тік, табиғи, техногендік сипат­та­ғы төтенше жағдайлар кезінде және табиғи зілзаланың немесе ірі ауқымды аварияның (апаттың) нақты қаупіне байланысты төтен­ше жағдай енгізілген кезде сон­дай-ақ, көліктің жұмыс кестесі бұ­зыл­ған кезде) осы жағдайды рас­тайтын құжат қосымша ұсыны­лады.
Егер Қазақстан Республикасы­ның тиісті тараппен жасаған келі­сімінде өзгеше тәртіп белгіленбе­се немесе еліміздің Үкіметі өзгеше тәртіп белгілемесе, Қазақстан Рес­публикасына виза алуды талап етпейтін тәртіппен келген шетел­дік­тің елімізде уақытша болу мер­зімі Қазақстан Республикасының шекарасын кесіп өткен күннен бастап 30 күнтізбелік күннен ас­пау­ға тиіс. Қазақстан Республика­сын­да уақытша болу мерзімі уа­қытша тұруға арналған рұқсат ал­ған жағдайда ұзартылады.