ЭЛЕКТРОНДЫ САУДА-САТТЫҚ

Көпшілік мем­ле­кеттің теңгерімінде тұрған мү­лік­ті электронды сауда-саттық ар­қы­лы сатып алудың жолдарын біле бермейді. Сондықтан кейде түсі­ніс­пеушіліктер орын алуда.

Мемлекет меншігіне түскен мү­­ліктерді сату және одан әрі пай­да­­лану Қазақстан Республи­ка­сы­ның 2011 жылғы 1 наурыздағы “Мемлекет­тік мүлік туралы” За­ңы­мен және Қазақстан Респуб­ли­касы Үкіметінің 2002 жылғы 26 шілдедегі №833 қаулысымен бекітілген. Облыстық мемлекет­тік мүлік және жекеше­лен­діру де­партаменті мемлекет меншігіне түскен мүліктерді есепке алып, сақтап, бағалап, оны әрі қа­рай қолдану бойынша жұмыстар жүр­гізеді. Олардың қатарына тәр­кі­ленген мүлік, заттық дәлелдеме­лер, сыйлық­тар және мемлекет меншігіне өт­кен иесіз мүліктер кіреді.
Мемлекет есебіне түскен бар­лық мүліктер арнайы есепке алы­нады. Біз өз жұмысымызда аза­мат­тардың өтініштерін дұрыс қа­рауға және қызметімізді цифр­ландыруға баса назар аудара­мыз. Соның нә­ти­жесінде жеке­ше­лен­діру нысанда­ры www.gos­reestr.kz сайты арқы­лы мемле­кет­тік және әлеуметтік ұйымдар арасында саудаға шыға­рылады. Ешқандай ұсыныс түспе­ген жағ­дайда бұл мүліктер жалпы саты­лымға қойылады. Ал бағалы қа­ғаздар, қара және түсті металл, өңделмеген мұнай, мал немесе мал өнімдері, арақ-шарап, темекі жә­не темекі өнімдері бірден саты­лымға шығарылады.
Саудаға шығарылатын мүлік­тер бірқатар талаптарға сәйкес бо­луы тиіс. Атап айтқанда, ол өн­дірістік қажеттілік жағынан тиімді болуы керек және мүлікті күтіп ұстау шы­ғын­дары бюджет есебінен жүргі­зі­луі керек. Мүлікті тапсыру және тір­кеу мемлекеттік және әлеу­мет­тік ұйымдардың электронды арызы бо­йынша жүргізіледі. Әр мүліктің қажеттілігін растайтын қорытынды болуы тиіс. Құжатта мүліктің эконо­микалық тиімділігі, қажеттілігі және қолдану мақсаты жазылады. Кейін де­партамент ма­мандары веб-пор­талда мүлік туралы сатылым қаты­сушыла­рына қажетті хабарламаны жа­риялайды. Қабылдау аяқталған­нан кейін арыздардың талапқа сәй­кестігі тексеріледі. Комиссия мү­­шелері оң шешім қабылдаған жағ­дай­да мүлік тапсыру-қа­былдау ак­ті­сіне сәйкес мемлекетке өткізіледі.
Облыстық мемлекеттік мүлік жә­не жекешелендіру департа­мен­тін­де бұл бағытта жоспарлы жұмыс­тар жүргізілуде. Атап ай­тар болсақ, 2017 жылы мемле­кеттік мекеме­лер теңгеріміне 7125200 тең­ге­ні құрайтын 3 автокөлік пен 210 литр жанар-жағармай тапсырыл­ған болатын. 2018 жылы 1562200 теңгені құ­рай­тын 1 автокөлік және бала­лар­дың 56 киім-кешегі тапсы­рылды. Ал былтыр 7368076 тең­ге­нің 3 автокөлігі мен 13054 литр жанар-жағармай тапсырылды.

Оксана ШАЙМАРДАНОВА,
облыстық мемлекеттік мүлік және жекешелендіру
департаментінің бас маманы.