Биыл Қызылжар өңіріне оңтүстік облыстардан 400 отбасы, барлығы 1329 адам қоныс аударды.
Қоныс аударушылардың тұруына қолайлы жағдай жасау мақсатында алдағы 3 жылда 3 мыңнан астам үй тұрғызылмақшы. Ол үшін орташа және жоғары даму жағдайындағы 302 елді мекен анықталған. Жолдарды дұрыстау, ауыз сумен қамтамасыз ету, мектеп, балабақша, мәдениет үйлерін жөндеу, ауыл шаруашылығын қолдауға арналған қаражат та осы дәл елді мекендерге бағытталады. Бұл шаралар өңірдің тартымдылығын арттырып, алдағы бір-екі жылда көші-қон жағдайын айтарлықтай жақсартады деп күтілуде.