«Soltüstık Qazaqstan»

PDF

ДЕКЛАРАЦИЯНЫ КІМДЕР ТАПСЫРМАЙДЫ?

«Декларациялау туралы» Заңға сай 2025 жылдың 1 қаңтарынан бастап жеке құрылым қызметкерлері, зейнеткерлер, үй шаруасындағы әйелдер, студенттер және басқа азаматтар өздерінің кірістері мен активтері туралы есеп тапсыруы тиіс болатын. Алайда мемлекет басшысының жалпыға бірдей декларациялау тәсілдерін қайта қарау туралы тапсырмасын іске асыру мақсатында ел аумағынан тыс жер­лерде активтері бар адамдарды қоспаған­да, азаматтардың осы санатын активтері мен міндеттемелері туралы декларация­ларды ұсынудан босату ұсынылды. Бүгінгі таңда алғашқы үш кезең аясында жалпыға бірдей декларациялау жүйесіне 4 млн.-нан астам адам, оның ішінде мемлекеттік қыз­метшілер, квазимемлекеттік сектор бас­шылары, бизнес өкілдері және олардың жұбайлары кіріп отыр.

— Бұл шара осы санаттағы жеке тұлға­лардың 90 пайыздан астамына қатысты. Декларациялауды мынадай санаттағы аза­маттар үшін сақтау ұсынылады: шет ел­дерде активтері бар; бір жыл ішінде құны 20 000 айлық есептік көрсеткіштен (74 млн. теңге) асатын сатып алу әрекетін жа­саған; дербес салық салуға жататын табыс тапқан азаматтар. Сонымен қатар міндетті декларациялаудан босатылғандарға есептілікті ерікті түрде тапсыру құқығы беріл­ген, — дейді облыстық мемлекеттік кіріс­тер департаменті түсіндіру жұмысы және байланыс-орталығы басқармасының бас маманы Жанат Жұмабекова.

Халыққа ыңғайлы болу үшін салық тө­леушінің кабинеті (cabinet.salyk.kz) «Электрондық үкімет» веб-порталы (egov. kz), «e-Salyq Azamat» (салық әмияны), «eGov mobile», «Halyk», «Банк Центр кре­дит» және «Kaspi» мобильді қосымшалары арқылы декларацияларды тапсыру бо­йынша электрондық сервистер іске қо­сылған.

Бұл орайда жеке тұлғалардың қолда бар активтерін тіркеу үшін барлық цифр­лық дерекқорлардан, оның ішінде екінші деңгейдегі банктерден мәліметтер алу тетігі қамтамасыз етіледі.

Гүлфайруз ТӨРЕМҰРАТОВА,

«Soltüstık Qazaqstan».

Әлеуметтік желілерде бөлісіңіз:

Share on facebook
Facebook
Share on telegram
Telegram
Share on whatsapp
WhatsApp