“Халықтану” жобасы аясында

Үстіміздегі жылы ұлтара­лық та­тулықтың ор­талы­ғына айналған Қа­зақстан хал­қы Ас­сам­блеясының құрылға­нына 25 жыл толуына орай өңі­рімізде де бірқатар шара­лар қолға алынды. Осы орайда, М.Қо­­зыбаев атындағы Сол­түс­тік Қазақ­стан универси­тетінің “Қазақ­стан хал­қы Ас­самблеясы” кафед­ра­сы­ның жұ­мы­сы ерекше маңызға ие.

Өткен оқу жылы­нан бастап сту­денттердің елімізде бір шаңырақ ас­тында тату-тәтті күн кешіп отыр­ған этнос­тар­дың тарихы мен мә­де­ниеті туралы білімдерін кеңей­туге, бірегейлікті нығайтуға, Ас­сам­­блея­ның “Әртүрліліктегі бірлік” атты стра­тегиялық қағидасын жүр­гізіп, қоғамдағы этникалық қақты­ғыс­тар­ды жоюға бағытталған “Ха­лық­та­ну” жобасы жүзеге асыры­луда.

Жобаны іске асыру барысында Қазақстан халқы облыстық ассам­блеясының этномә­де­ни бірлестік мүшелері және жоғары оқу орны­ның оқытушылары мен студентте­рі­нің қата­рын­дағы этникалық топ­тардың өкілдері бір мақсатта күш біріктірді. Аталған бастаманың сәт­ті жүзеге асуына орыс, украин, не­міс, та­тар, поляк, әзірбайжан, ар­мян және үндіс этнос­т­ары өкілде­рі­нің қолдау көрсеткені елі­міз­де ор­наған татулық пен бірліктің бел­гісі деп білеміз.

Жаңа оқу жылында “Халықта­ну” жобасы ая­сында қолға алын­ған шаралардың бірі өзбек халқы­ның тарихи-мәдени мұрасын, Нұр-Сұлтан және Алматы қалаларын­дағы өзбек этномәдени орталық­та­рының жұмысын көр­се­ту болды. Яғни, “Халықтану” интерактивті бі­лім беру дәрісханасында Қазақ­стан, Үндіс­тан мен Бангладештің барлық аймақтарынан келген 400 студент үшін өзбек халқының шығу тарихы, тұрмыс-тіршілігі тақыры­бы бойынша үш тілде дәріс өтті. Биылғы жылы енгізілген жа­ңа­шыл­дықтардың негізгісі дәрістер­ге рес­пуб­ликалық және шетелдік сарапшыларды қа­тыстыру екенін айта кеткен жөн. Осылайша, жас­тар өзге этностың мәдениеті мен та­рихын меңгеруде шетелдік са­рапшылардың ой-пікірін тыңдау мүмкіндігіне ие болды.

Диана ХАЛИМОВА,

М.Қозыбаев атындағы СҚУ-дің медиа орталығының бас редакторы.