Петропавл қаласының балалар мен жасөспірімдерге арналған күрес мектебінде қазақша күрестен ашық біріншілік өтті.
Жарысқа спорт мектептерінің тәрбиеленушілері, М.Қозыбаев атындағы Солтүстік Қазақстан мемлекеттік университетінің, кәсіби-техникалық колледждердің студенттері және Қызылжар, Жамбыл, Шал ақын аудандарының спортшылары қатысты. Боз кілемге барлығы 70 жасөспірім шықты.
2000-2002 және 1998-1999 жылдары туғандар арасындағы тартысты күресте жеңіске жеткендер алдағы демалыс күндері облыстық чемпионатта бақ сынайтын болады.