Петропавл қалалық соты әлеуметтік желі арқылы өзгені кемсітіп, қорлаған ер адамға қатысты үкім шығарды. Соттың мәліметінше, 28 мамыр күні Қуатбек Иманбеков есімді азамат Алматы қаласында отырып, ар-ожданға нұқсан келтіру мақсатында “Facebook” әлеуметтік желісінде С. деген азаматқа қатысты әдепсіз сөздер жазып, қорлаған.
Сотталушы өз кінәсын мойындады. Айтуынша, бұл әрекетке баруға С. есімді азаматтың өзі итермелеген. Петропавл қалалық соты Қуатбек Иманбековті кінәлі деп тапты. Енді ол 100 айлық есептік көрсеткіш мөлшерінде, яғни 277 800 теңге айыппұл төлейді. Сондайақ, тұрғылықты жері бойынша мәжбүрлі түрде психиатрға тексеріліп, амбулаторлық емдеуден өтеді.
Ақерке ДӘУРЕНБЕКҚЫЗЫ.