Тамыздың 16-17-сі күні Азия чемпионатын Моңғолияда өткізу туралы шешім қабылданды. Бұл туралы халықаралық “Qazaq kuresi” федерациясының баспасөз қызметі хабарлады.
Қазір федерация өтінімдерді қабылдап, әдеттегідей салмағы, сәйкестігі сияқты параметрлермен таңдау жүргізіп, ұйымдастыру мәселелерін шешіп жатыр. Азия чемпионатына барлығы 100-ден астам спортшы қатысады деп күтілуде. Қазіргі уақытта Қытай, Жапония, Үндістан, Пәкістан, Өзбекстан, Қырғызстан және тағы да басқа елдердің балуандары да белдесуге ниет білдіруде.