Өңір жетекшісі Құмар Ақсақалов Оңтүстік Орал темір жолының басшысы Игорь Рязановпен кездесті. Қос тарап темір жол саласын дамыту және екі ел арасындағы жолаушылар тасымалы мәселелерін талқылады, деп хабарлайды Qyzyljarnews.kz тілшісі.
-Петропавл-Есілкөл және Петропавл-Петухово электрпойыздарының қозғалысын жандандыруға келістік. Естеріңізге сала кетейін, 2 жыл бұрын пандемияға байланысты пойыздардың қозғалысы тоқтап қалған еді. Көліктің бұл түрі шекаралас облыстардың тұрғындары арасында сұранысқа ие,-деді облыс әкімі.
Сондай-ақ кездесуде «Маслодел» серіктестігі салып жатқан майды экстракциялау зауыты аумағына өтетін қосымша темір жол желісін салу мәселесі талқыланды.
-Облыс үшін өте маңызды өндіріс ошағы. 15 млрд.тг инвестиция тартылуда. 200-ден астам жаңа жұмыс орны ашылады. Бұл жобаны тез арада бекітуге келістік,- деді Құмар Ақсақалов.
Фото: Құмар Ақсақаловтың инстаграм парақшасынан