Қараша айының басынан “Браконьер” жедел-алдын алу шарасы өткізілуде. Оның барысында облыс полицейлері табиғатты қорғау заңнамасының 192 рет бұзылғанын анықтады. Анықталған бұзушылықтардың дені – заңсыз аңшылық. Сондай-ақ, ағаштар мен бұталарды заңсыз кескендер де бар. 24 солтүстікқазақстандық – балық аулағаны және балық аулау ережелерін, 15 адам азаматтық, қызметтiк қаруды, оның патрондарын сатып алу, сақтау, пайдалану немесе тасымалдау қағидаларын бұзғаны үшін жауапкершілікке тартылды.
“Браконьер” жедел-алдын алу шарасы барысында анықталған табиғатты қорғау заңнамасын бұзушылықтардың 10 фактісі бойынша сотқа дейінгі тергеу амалдары жүргізілуде.
Динара САҒЫНДЫҚОВА,
облыстық ішкі істер департаменті
баспасөз қызметінің аға инспекторы.