Бейсболдың бас лигасының (MLB) матчы командалар арасындағы жаппай төбелеспен аяқталды.
“Цинциннати Редс” пен “Питтсбург Пайретс” арасындағы кездесу күтпеген жерден тоқтатылды. Себебі, қолғабын тастай салған “Редс” ойыншысы Эмир Гаррет қарсылас команданың қосалқы құрам ойыншылары отырған жаққа барып, жанжал шығарған. Онысы аздай, жұдырық сілтеген. Кейін оған әріптестері көмекке келеді. Сөйтіп, төбелес бірнеше минутқа созылды. Төрешілер ойыншыларды сабырға шақыра алмады.
Ойын соңына дейін бірнеше бейсболшы алаңнан қуылған бұл кездесу “Питтсбург Пайретстің” жеңісімен аяқталды. Есеп 11:4.