Soltüstık Казахстан
Kyzylzhar_akparat@mail.ru
Тоқтар ЗІКІРИН,
Қазақстан Жазушылар
одағының мүшесі.
Тоба демей, тәубе демей,
Таңды қалай атырасың.
Құр бекерге кеуделемей,
Дәтке қуат шақырасың.
Тоба, тәубе – Тәңірінен,
Жаңылмаса жан адам.
Бір Алланың әмірімен,
Сәуле табар санадан.
Бастамаған, бітірмеген,
Барлық іске тоба қып.
Тәубең осы шүкірменен,
Астасады – ол анық.
Шүкір сөзі тобасы бар,
Тоқ көңілден шығады.
Жақсылыққа жан асығар,
Жанады өмір шырағы.
Дүниеде көп мейір,
Жетеді ғой бір басқа.
Тірлігіңе тоқмейіл,
Қалай тәубе қылмасқа!