Soltüstık Казахстан
Kyzylzhar_akparat@mail.ru
Қыс көрмейтін
Түркияда сусайсыз,
көлеңке де іздеуге
уақыт жұмсайсыз.
Демің жетпей,
дүкендерге бас сұқсаң,
ешқайсы да
шығармайды бір шайсыз!
Ыдыстары –
шәшке де емес, кесе емес,
бардақтарын* қояды,
іші бос емес.
Дәл өзіндей
жүз грамдық рюмканың!
Тек астыңа
алаша да төсемес.
Шай қып-қызыл
коньягыңнан аумаған,
ішкен сайын
маңдайдан тер саулаған.
Шайды құрғақ ішпес
Қазақ болсақ та,
жаса, түркім,
көңілімізді аулаған!
Бөлмейді олар:
насрани я мұсылман –
баршасына
қою шайын ұсынған
қалың түрік,
тіл тимесін сендерге,
жарты ғалам
күнде өткенде тұсыңнан…
––––––––––––––––––––
* бардақ – шай ішетін шыны ыдыс