Soltüstık Казахстан
Жарылғыш зат қойылғандығы туралы жалған ақпарат таратқан тұлғалардың қылмыстық жауапкершілікке тартылатыны кейбір жандарға ой салмайтын сыңайлы. Осы жолы облыс орталығындағы темір жол вокзалына “мина қойған” 28 жастағы қыз қолға түсті.
“Бомба қойылды” деген белгісіз әйелдің ақпаратынан соң түнгі сағат бір шамасында 250-ге тарта адам темір жол вокзалынан сыртқа шығарылған. Алайда, жедел әрекет ету қызметтері ешбір бомбаны таппады.
Таң ата “телефон террорисі” Астана қаласында аялдаған пойызда қолға түсті. Семей қаласының тұрғыны бомба туралы ақпаратты Петропавл-Алматы бағытындағы пойыздан таратқан. Полицейлер оның мұндай әрекетке не себепті баруын тергеу үстінде.
Заң бойынша мұндай қылмыс жасаған адам алты жылға дейін бас бостандығынан айрылуы мүмкін.
СҚО ІІД-нің баспасөз қызметі.