Soltüstık Казахстан
Баяғыда бір бай ажалы жетіп, қайтыс болар шағында өзінің үш баласын шақырып алып, артында қалған 17 түйесін бөледі. Тұңғыш баласына қарап:
– Балаларымның үлкенісің ғой, сен түйенің 2-ден 1 бөлігін ал. Ортаншы балам, сен түйенің 3-тен 1 бөлігін ал. Кіші балам, саған мен түйенің 9-дан 1 бөлігін қалдырамын, – деп көз жұмып, о дүниеге кете барады.
Балалары әрі ойланып, бері ойланып, әкелері айтқан амалды шеше алмайды. Сөйтіп, олар Жиреншені шақырады. “Жиренше келеді”, – дегенді естіген жұрттың бәрі алаңға жиналады. Жиренше өзі бір түйеге мініп келеді. Сөйтіп, 17 түйеге өзінің түйесін де қосып жібереді. 18 түйені ол әкесінің өсиеті бойынша бөліп береді. Жиреншенің тапқырлығына риза болған халық бұл оқиғаны бірінен- біріне айтып, осы уақытқа дейін жеткізген екен. Міне, ал балалар, бар оқиға осы. Сонда Жиренше түйелерді қалай бөлді екен, ә!