Soltüstık Казахстан
Алмас МЫРЗАБАЕВ,
Әбу Досмұхамбетов атындағы облыстық дарынды балаларға мамандандырылған гимназия-интернаттың дене
шынықтыру мұғалімі.
Бүгінгі таңда өз Тәуелсіздігін алған егемен еліміз ұлттық мектептерде спорт түрлерін дамытуға, жас ұрпақтың денсаулығын нығайтуға ерекше көңіл бөліп отыр. Осындай мақсатта жұмыс атқарып жатқан Әбу Досмұхамбетов атындағы облыстық дарынды балаларға мамандандырылған гимназияинтернатында дене шынықтыру сабақтарына ерекше назар аударылады.
Мектеп басшысы Күлжан Төкенованың қолдауымен жылда спорттық құралдар алынып отырады. Түстен кейін білікті жаттықтырушылар спорттың алты түрінен жаттығулар мен секциялар жүргізеді. Олар: волейбол, шаңғы, бокс, баскетбол, шахмат. Гимназия “Жеңіс”, “Барыс” жасөспірімдер спорт мектебімен тығыз байланыста. Мектебіміздің оқушылары – республикалық, облыстық, қалалық бокс, шахмат, волейбол жарыстарының жеңімпаздары. Дене шынықтыру мұғалімі У. Жакупов оқушыларды жарысқа шаңғыдан дайындаса, Б.Қожанов бокстан дайындайды. Волейболдан өзім жаттықтырып жүрген қыздар тобы қалалық және облыстық байқауларға қатысып, үнемі жеңіспен оралады. Бұл команда Омбы қаласында өткен жарыста да жеңіске қол жеткізді. “Барыс”, “Қараторғай” спартакиадаларында мектеп оқушылары ІІ орынға, тоғызқұмалақтан І орынға, шахматтан, футболдан І орындарға, шаңғыдан ІІ орынға ие болды. Республикалық “Сардар” олимпиадасының облыстық кезеңіне қатысып, оқушыларымыз жеңіспен оралды. Демек, тәрбиелеп, шыңдап жүрген оқушыларымыз мұғалімдерінің еңбектерін ақтады. Әрбір жарыста оқушыларымыз жеңіспен оралған сайын біз де қуанып, олардың жеңістеріне марқайып қаламыз.Шәкірт жеңісі – ұстаз жемісі.
Петропавл қаласы.