Soltüstık Казахстан
Бикеш МҰХАМЕТЖАНОВА,
қазақ тірек мектеп-интернатының қазақ тілі және әдебиеті пәндерінің мұғалімі.
Анар Жұмабекқызы – білім саласының маманы, Шал ақын ауданының Жаңажол ауданының тумасы. Еңбек жолын Жаңажол орта мектебінде бастауыш сынып мұғалімі болып бастаған. Содан бері талай шәкірт тәрбиеледі. Шыдамдылық пен біліктілікті, ақыл мен парасатты ұштастыруды талап ететін мамандық иесі ұжымында да сыйлы, жас мамандарға ақылшы бола білген. Бір жылдары Алматы облысының Талғар қаласында қазақ тілінде алғаш ашылған “Әлия” балабақшасында әдіскер болып жұмыс атқарған әріптесіміз 2000 жылдан бастап Сергеевка қаласындағы қазақ тірек мектеп-интернатында табысты еңбек етіп келеді. Аталмыш білім ордасында директордың тәрбие ісі жөніндегі орынбасары қызметін атқара жүріп, облыстық, аудандық іс-шараларға белсене қатысты.
Бүгінде Анар Жұмабекқызы оқушыларға әлеуметтік көмек ұйымдастыру жұмыстарымен айналысады. Шәкірттермен кездесіп, оларға туындаған мәселелерді шешіп, өздігінен жол табуға әрі рухани жан-дүниесін танып-біліп, қатарға қосылуға көмектеседі. Жаңалыққа жаны құмар ұстаз “Өзін-өзі тану” пәнінен сабақ беріп, өз жұмысында оқушылармен, ата-аналармен және мектеп ұжымымен үш жақты тығыз байланыста жұмыс істейді.
Ардақты ұстаз облыстық “Үлгілі инновациялық жобалар” фестиваліне қатысып, “Отбасы – тіршілік тірегі” атты жобасын қорғады. Оқушыларға жетекшілік жасай жүріп, “Ұзақ өмір сүру құпиялары” атты ғылыми жобалар сайысының жүлдегері атанған. Анар Қажығұмарова аудандық Білім бөлімінің және облыстық Білім басқармасының мақтау қағаздарымен бірнеше мәрте марапатталған.