Soltüstık Казахстан
Кеше облыс әкімі Самат Ескендіров Ұлы Отан соғысының ардагері Миннигүл Кряжевскихтің үйінде болып, қарияны мерекемен құттықтады.
Қанат АТАМАНОВ,
“Солтүстік Қазақстан”.
Өңір басшысымен әңгіме барысында әлі күнге дейін өзін сергек сезініп, саяжайындағы 5 сотық жеріне әртүрлі көкөніс егуді жалғастырып жүргенін жеткізген Миннигүл әже облыс әкімінің былтыр саяжайын қалпына келтіруге жасаған жақсылығына алғысын білдірді. Кейуананың үйіне келіп, хал-жағдайын білген Самат Сапарбекұлы осы жолы да ардагердің саяжайына қол ұшын беруге уәде берді.
ҰОС ардагері “Қызыл Жұлдыз” орденімен, екі рет “Ерлігі үшін” және басқа медальдармен марапатталған. Соғыс жылдарында Сталинград шайқасына қатысып, Чехословакияға дейін жеткен оның жауынгерлік жолы ерлікке толы.
Кездесу соңында өңір басшысы ардагерге материалдық көмек көрсетіп, азық-түлік жиынтығын тапсырып, ақ тілегін білдірді.