Алғашқы еңбек жолымды аудандық газеттен бастап, саналы ғұмырымды журналистикаға арнап келемін. Содан бері қазақша газет-журналдарға жазылу әдетінен жаңылған емеспін. Әрине, мен үшін аудандық газеттің орны бөлек, үйрену, шыңдалу мектебі болды. Десек те, өзім қалам тербеп келе жатқан өзге басылымдар да жаныма жақын, көңіліме ыстық. Олардың арасынан республикалық “Егемен Қазақстан” мен облыстық “Солтүстік Қазақстан” газеттерін бөліп …
Облыстық ішкі істер департаментінің есірткі бизнесіне қарсы күрес басқармасының қызметкерлері Тәжікстан Республикасының 52 жастағы азаматын ұстады. Ол жалдаған такси көлігінің жүксалғышынан гашиш салынған екі спорттық сөмке табылды.
Бразилия елінің Ново-Гамбург қаласында жалпы білім беретін пәндерден “MOSTRATEC” халықаралық ғылыми жобалар сайысы өтті. Петропавл қаласындағы облыстық дарынды балаларға мамандандырылған қазақ-түрік мектеп-лицей-интернатының 11-сынып оқушылары Анар Балкотова мен Болат Омаров күміс медальдарға ие болды.
Жақында “Үздік кәсіподақ көшбасшысы – 2015” облыстық байқауы өтті. Байқаудың облыстық кезеңіне бастауыш кәсіподақ ұйымының 11 өкілі қатысты. Үміткерлер өздерінің ұйымдарында атқарылған жұмыстарын, жеткен жетістіктері мен нәтижелерін жан-жақты көрсетті. Олардың жұмыс өлшемдері ретінде жұмыс беруші мен кәсіподақ ұйымының арасындағы әлеуметтік әріптестік деңгейі сарапқа салынды. Әсіресе, ұжымдық еңбек шарттарына, ұйымның кәсіподақ мүшелерін сауықтыруға қамқорлығына, қызметкерлерге қауіпсіз …
Қорғаныс істері жөніндегі департаментте әскерге шақырылушыларды салтанатты шығарып салу рәсімі өтті. Шараға жастардың туған-туыстары, департаменттің қызметкерлері және Қарулы Күштер ардагерлері қатысты. Жиында сөз алған қорғаныс істері жөніндегі департаменттің бастығы Еркінбек Байболов болашақ жас сарбаздарды құттықтап, солтүстікқазақстандық өрендердің әскери борыштарын абыройлы атқаратындықтарына сенім білдірді. Сондай-ақ, жастар арасында отансүйгіштікті тәрбиелеудің маңыздылығын тілге тиек еткен ол күзгі әскерге …
Талантты ғалым, публицист, әдебиет зерттеушісі, саяхатшы-географ Шоқан Уәлихановтың туғанына биыл 180 жыл толуына орай Айыртау ауданындағы Саумалкөл орта мектебінде “Найзағайдай жарқ еткен қысқа ғұмыр” тақырыбында ғылыми-практикалық конференция өтті.
Биыл ғана құрылған “Құлагер” хоккей командасы Петропавлда Астананың “Номадымен” және Көкшетаудың “Арланымен” екі реттен, барлығы төрт кездесу өткізіп, тиісті он екі ұпайдың үшеуіне ғана қол жеткізді. Үш жеңілістен соң оның екі қарсыласы да көш басындағы командалар (“Арлан” – 63 ұпаймен, “Номад” – 43 ұпаймен) топ бастауда деп ақталуға болар еді. Алайда, ойындар барысында біздің ойыншыларымыздың …
Біздің елімізде қай кезде де дүбірлі жарыстарда жасындай жарқыраған велошабандоздар болған. Солардың бірі жерлесіміз, Олимпиада ойындарының күмісі мен алтынын омырауына байлаған Александр Винокуров бүгінде Қазақстанның ең әйгілі жастарынан және шетелдердің шабандоздарынан жасақталған кәсіпқой “Астана” клубына жетекшілік етеді. Біз үшін бір қуаныштысы – осы клубтың қатарында жерлестеріміз Алексей Луценконың, Бахтияр Қожатаевтың, Руслан Тілеубаевтың сынақтарға қатысуы.
Петропавлда жыл сайын грек-рим күресінен КСРО спорт шебері, облысымыздың бірнеше дүркін және Қазақстанның чемпионы Уәлихан Нүркеевтің атындағы халықаралық жарыс дәстүрлі өткізіліп келеді. Қандай да жарысты ұйымдастырып, оны қатысушылардың да, жұртшылықтың да көңілінен шығатындай ету оңай емес. Осы орайда аталған турнирді жыл сайын ұйымдастырып келе жатқан “Күрес” мектебінің директоры Ғалым Өркешевке мың да бір алғыс айтсақ, …
Облысымыздың күрес түрлері федерациясының президенті Бауыржан Құлжановтың есімі осы қызметі арқылы республикамыздың күрес мамандарына жақсы таныс. Бауыржан Ниязұлы бүгінде спорт ардагері болғанымен, жасындай жарқыраған жас күнінде, жігіт шағында қазақ күресімен шұғылданып, үш мәрте ел чемпионаттарында жеңіске жеткен топжарған.
Мемлекеттік мүлікті тиімді пайдалану облыстық мемлекеттік мүлік және жекешелендіру департаменті қызметінің басым бағыттарының бірі болып табылады. Біздің департамент жыл сайын мемлекеттік мекемелер мен кәсіпорындарға бекітілген мемлекеттік мүліктердің тиімді және мақсатты пайдалануы бойынша жұмыс жүргізеді. Бұл мақсатта Қазақстан Республикасы Қаржы министрлігінің 2014 жылғы 12 желтоқсандағы №562 “Қазақстан Республикасы Қаржы министрлігінің Мемлекеттік мүлік және жекешелендіру комитетіне қарасты …
Мемлекеттік қызмет істері және сыбайлас жемқорлыққа қарсы іс-қимыл агенттігінің Солтүстік Қазақстан облысы бойынша департаменті өңіріміздегі жастар бастамалары орталығымен бірге “Жастар арасындағы сыбайлас жемқорлыққа қарсы мәдениетті қалыптастыру мақсатындағы алдын алу шаралары” тақырыбында семинар өткізді.
“Нұр Отан” партиясы облыстық филиалының ғимаратында “Ең үздік жас жұмысшы” облыстық байқауының қорытындысы жарияланып, жеңімпаздарды салтанатты марапаттау рәсімі өтті. Облыстық ішкі саясат басқармасы мен жастар мәслихаты ұйымының мамандары бірлесіп ұйымдастырған аталмыш шараға өңіріміздің жұмысшы жастары мен студенттері, мектеп оқушылары қатысты.
Немерелерімнің бал қылығына көзайым болып отырған қуанышты сәтімді мезгілсіз телефон қоңырауы бөлді. Тұтқаны көтерген келінім, арғы жақтағы адамның мені сұрап жатқанын айтқасын, телефонды қолыма алдым. “Мен пәленше деген қажымын”, – деді саңқылдаған әйел дауысы. Тіпті, еркін сөйлеп, есіміне қажы деген сөзді қосып айтқанына қысылмаған танысымның бұл қылығы маған кәдімгідей ой салды. Қажылыққа барып келгені кеше …
Бағытымыз – Бескөл ауылы. Жеңіл көлікпен жүйткіп отырып, діттеген жерімізге де жеттік. Бірақ ауылға кіріп, арғы бетке өте бергенімізде оғаш көрініске көзіміз түсті. Осындай да болады екен-ау… Бұл не масқара? Көшенің қақ ортасында қоқыс алаңы пайда болыпты. Бұл жерді шағын ғана қоқыс алаңы деуге келмейді. Тұрмыстық қалдықтар жылдар бойы жиналған. Айналаға көз салу үшін машинадан …
Бұл оқиға Шал ақын ауданындағы Жаңажол ауылында тұратын Кәмәл Сейітбекова есімді апайдың басынан өткен. Апайдың жұбайы Сейпи Сейітбеков көп жыл бойы аталмыш аудандағы Ленин орта мектебінде директор болып қызмет еткен. Ел басына күн туып, қару ұстар ер-азаматтар майдан даласына аттанғанда отағасы да соғысқа аттанып, жат жерде, жау оғынан қайтыс болды. Артында зайыбы, 3 қызы қалды. …
Өркениеттің өзегі саналатын мұражайлардың адамзат үшін игілігін айтып, айғақтап жатудың қажеті жоқ. Десек те, өткенің мен бүгініңнің арасындағы алтын көпір іспетті жәдігерлерімен біліміңнің, танымыңның көкжиегін кеңейтетін мұражайлардың адам баласы үшін қызметі өлшеусіз. Осындай бағалауға лайық болғандықтан да, мұражайларды елдің өміріндегі “Мені парақта” деп алдыңнан шығатын ашылған кітап сынды көресің. Соған орай қандай да бір елеулі …
Үстіміздегі жылдың қазан айында облыста күнкөрістің ең төменгі деңгейі бір адамға орташа шаққанда 19516 теңгені құрады. Бұл алдыңғы аймен салыстырғанда 3,2 пайызға өссе, 2014 жылғы желтоқсанмен салыстырғанда 13,1 пайызға көтерілді. Оның құрылымында азық-түліктің құны – 11710 теңгені, азық-түлік емес тауарлар мен ақылы қызмет бағасы 7806 теңгені құрады. Сатып алу үшін жұмсалған шығын үлесі ет және …
Стандарттау және сапа бойынша әлемдегі ірі халықаралық ұйымдар БҰҰ-ның қолдауымен жыл сайын қараша айының екінші бейсенбісінде Дүниежүзілік сапа күнін атап өтеді. Ол 1989 жылдан бері дәстүрлі түрде өткізіліп келеді. Бұл күнге Еуропа, Азия, Африка құрлықтарының 70-тен аса мемлекеті атсалысады. Ондағы мақсат – жұрттың назарын сапа мәселесіне аудара отырып, өнімнің сапасын жоғарылату және өнімділікті арттыру, тұтынушылардың …
Мұрагерлік құқық мәселесінде мұрагерлік трансмиссия және табыс ету құқығы бойынша мұрагерлік сияқты ұғымдардың маңызы зор. Олардың айырмашылығын білу қажет-ақ. Мұрагерлік трансмиссия немесе мұраны қабылдау құқығына көшу ұғымы еліміздің Азаматтық кодексінің 1072-4-бабында көрсетілген. Егер мұрагер заңнамалық құжатта белгіленген мерзімде оны қабылдауға үлгермей қалса, онда оған тиесілі үлеске құқық оның мұрагерлеріне ауысады.
