Еліміздің Ата Заңында: “Қазақстан Республикасы демократиялық, зайырлы, құқықтық және әлеуметтік мемлекет, оның ең қымбат қазынасы – адам және оның өмірі, құқықтары мен бостандықтары”, – деп жазылған. Конституцияда ұлтына, әлеуметтік жағдайына қарамастан, адамдар мен азаматтардың құқықтары мен бостандықтары тең екендігі айтылады. Сондықтан барлық мемлекеттік органдар тұрғындардың құқықтық көзқарасы мен мәдениетін қалыптастыруды көздейді.
Елімізде өндірісті дамытуға бағытталған көптеген мемлекеттік бағдарламалар жүзеге асырылуда. Солтүстік Қазақстан облысында “Бизнестің жол картасы – 2020” бағдарламасы қолға алынғаннан бері мемлекеттік қордан 437 жобаға 36 миллиард теңгенің демеуқаржысы бөлінген. Өңір кәсіпкерлері соңғы бес жылда 2,6 миллиард теңгенің демеуқаржысын пайдаланған. “Даму” қоры кепілдік беру тетігі арқылы 112 кәсіпкердің бизнесін қолдап, осы бағыттың несие портфеліндегі қаржы …
Үй-күйінен айрылып, көшеде қаңғып қалғандардың әлегі аз емес екенін күн сайын оларды жиып-теріп жүретін полицейлер жақсы біледі. Тәртіп сақшылары бүгін де тұрақты мекенжайы жоқ азаматтарды қабылдап-тарату орнына жеткізу үшін алакеуімнен атқа қонды. Олармен ілесіп, біз де жолға шықтық. Полиция майоры Әділ Қайредденов қаңғыбастардың кісі аяғы сиремейтін жерлерде көп жүретінін айтып, алдымен вокзал жақты бетке алды. …
Әйел адамның үй тірлігінде ғана емес, сыртта да табысты еңбек етуі – оның еңбекқорлығына, жауапкершілігіне, пысықтығына байланысты. Осы орайда Мамлют ауданында енді ғана кәсібін бастаған Елена Малышева туралы дәл сондай пікір білдіруге болады. Ол жақында ғана сулы шашыраңқы бояу шығаратын шағын өнеркәсіпті қолға алды.
Беу, туған жер, пәктігіңді сезініп, Тайсалмаймын сан қатерге кезігіп. Жалықпаймын ардақтауға өзіңді, Жазатайым кеткенімше көз іліп. Кәкімбек Салықов. Әр заманның көпті көрген, соларды көкейіне тоқыған, өз замандастарынан оқ бойы озық азаматтары болған. Олар өздеріне дейін ғұмыр кешкен ата-бабаларының ғибрат тұтарлық қасиеттерін бойларына дарытып, соларды өмірлік бағдары ретінде ұстанып, ұрпағына ұсынған. Халқымыздың небір данышпан, ақылман тұлғаларының …
Жанардың қуанышында шек жоқ. Құжаттарға қол қойылды. Несие берілетін болды. Ол бұл күнді асыға күткен еді. Енді, міне, жылдар бойы армандаған баспанаға қолы жеткелі отыр. Ол осы сәтте 2020 жылға дейін мойнына несие “қамыты” киілгенін де қаперіне алған жоқ. Тек “Өзгеге емес, өз пәтерім үшін төлеймін ғой”, – деген ойдың әсерімен алдағы күндерге деген үмітін …
СОТ ОРЫНДАУШЫСЫНА СЕНІП, пәтерінен айрылып қала жаздады Read More »
Биыл маусым айында Ленинград ауылында “Айсұлу” жеке кәсіпкерлігінің ағаш өңдеу цехы іске қосылған болатын. Бүгінде цехтың аяқ алысы жаман емес. Мұнда есік, терезе, қоршау қадалар жасау қолға алынған. Бағалары да қолжетімді. – Біздің елде жұмыс істеймін деген адамға барлық мүмкіндік бар. Мен “Айсұлу” жеке кәсіпкерлігін ашу үшін алдымен аудандық әкімдіктің мамандарымен сөйлесіп, ақылдастым. Белді бекем …
“Таң атайын демейді – Күн қоймайды” демекші, өркениет өріне ұмтылған еліміз демократия жолына түсіп, қоғамда әлеуметтік әділдік орнату бағытында тағы бір маңызды қадам жасап отыр: Елбасы айқындап берген Бес институттық реформаға сәйкес жақында Парламент “Қоғамдық кеңестер туралы” Заңды қабылдап, оған Мемлекет басшысы қол қойды. Аталған Заңға сәйкес алдағы уақытта министрліктердің және облыс, облыстық маңыздағы қалалар …
“ҚОҒАМДЫҚ КЕҢЕСТЕР ТУРАЛЫ” Заңды оқып, көңілге түйген ой Read More »
2015 жылғы 31 қазанда Елбасымыз тұңғыш рет жария түрде жаңа редакциядағы Азаматтық процестік кодекске қол қойды. Бұл құжаттың еліміздің барша халқы үшін зор маңызы бар екенін айғақтайды. Ел Президенті Кодекске қол қоя отырып: “Жаңа Кодексті қабылдау заң үстемдігін қамтамасыз етуге айтарлықтай үлес қосады. Заңнама аясында барлық заманауи негізгі құқықтық институттар қамтылған. Сонымен қатар, біздің құқықтық …
Балаларды ғаламтордың теріс ақпаратынан қалай құтқаруға болады? Ол үшін не істеу қажет? Петропавлдағы М.Жұмабаев атындағы гуманитарлық колледжде өткен “дөңгелек үстел” отырысы барысында осы мәселелер әңгіме арқауына айналды. Облыс орталығындағы колледждердің, орта білім беретін мектептердің директорлары мен оқытушылары қатысқан жиынды облыстық білім басқармасының басшысы Шолпан Каринова жүргізіп отырды.
Тәртіп сақшылары облыс орталығындағы жанар-жағармай бекеттерінің біріне қарақшылық шабуыл жасаған күдіктілерді іздестіруде. Бетперде киген екі жігіт күзетшіні балтамен қорқытып, кассадағы 1 миллион 300 мың теңгені тонап кеткен. Оқиға түн жарымда болған, бетперде киген қарақшыларға күзетші есікті ашқаны, оларға қарсылық көрсетіп үлгермегені бейнебақылау камерасына түсіп қалған. Бүгінгі күні күдіктілер іздестірілуде. Облыстық ішкі істер департаменті басшылығы осы …
Өмір – күрес, өмір – сынақ. Оның тосын жайлары аз емес. Осы ретте жүрек сырын ақтарса, әркімнің де айтары бар. Өз ерліктерімен, батыл да батыр қадамдарымен он екі мүшесі сау адамдарға өнеге-үлгі бола білетін азаматтар арамызда аз емес. Пешенесіне жазылған тауқыметті көтере білген осындай қайсар жанды, жігерлі адамдардың бағындырған белестері, алған асулары басқаларды өмірді бағалай …
Қараша айында әлемнің көптеген елдері Халықаралық төзімділік күнін атап өтеді. Осыған орай Петропавл қалалық №2 кітапханасы мен Қожаберген жырау атындағы №6 орта мектеп кітапханасы бірлесіп “Толеранттық дәстүрі және бір-бірімізді құрметтеу” тақырыбында “дөңгелек үстел” ұйымдастырды. Оған учаскелік полиция инспекторлары, мектеп психологтері мен медбикелері қатысты.
Ғабит Мүсірепов атындағы аудандық аумақтық инспекциясының өсімдіктер карантині бойынша мемлекеттік инспекторы Кристина Фиголь Астана қаласында өткен “Тіл – татулық тірегі” атты республикалық байқауға қатысып, жүлделі оралды. Қазақстан Республикасының Ауыл шаруашылығы министрлігі ұйымдастырған байқау қазақ тілінің қолданыс аясын кеңейтуді, өзге этнос өкілдері арасында мемлекеттік тілді насихаттау, сондай-ақ, мемлекеттік тілде іс-қағаздарын үздік жүргізуші өзге этнос өкілдерін көпшілікке …
Өңіріміздің спорт тарихында ауыр атлетикадан әлем чемпионатына қатысқан, осы ретте ел намысын қорғаған спортшы болған емес. Осы бақыт жиырма жасар жерлесіміз Айдар Қазовқа бұйырып тұр. Ол 20-29 қараша аралығында АҚШ-тың Хьюстон қаласында ауыр атлетикадан өтетін әлем чемпионатында Қазақстан құрама командасының қатарында сынға түседі. Осы оқиға қарсаңында біз Айдар Қазовтың бапкері, ауыр атлетикадан облыс құрамасының бас …
Екіжақты ынтымақтастық орнағаннан бері Австрия мен Қазақстан арасындағы тауар айналымы 12 есеге артқан. Бұл туралы Вена қаласында өткен Австрия машина жасаушыларының форумында Қазақстан машина жасаушылар одағының төрағасы Мейрам Пішембаев мәлім етті. “Болашақта да осы өсу үрдісі жалғаса береді. Австрия ТМД құрамына кірмейтін елдер арасында Қазақстанның төртінші сауда әріптесі, ал тауар көлемі бойынша Еуроодақ елдері арасында …
Өңір басшысы Ерік Сұлтанов Петропавл қаласындағы сауда алаңдарын аралады. Алдымен “Дария” базарына барып, базар иесінің жуырда өз қаржысына жасаған жөндеу жұмыстарымен танысты. 10 миллион теңгеге жасалған қайта жаңарту жұмыстары жайлы “Рынок “Дария” ЖШС директорының орынбасары Юрий Кузнецов баяндады. Базардың шатырын, төбесін жөндеп, электр желілері мен жарықтандыруды жаңартқан. Сондай-ақ, Абай көшесі жағындағы кіреберісті жөндепті. Қазіргі таңда …
Жасымнан мен қиссаны көп шығардым, Білмеген ғибрат алсын деп шығардым. Бұл сөзім қанша күнә, кім біледі, “Біржан-Сара” айтысын мен шығардым. Әріп Тәңірбергенов.
Кеше облыс әкімі Ерік Сұлтанов кәсіби бокстан тұңғыш солтүстікқазақстандық әлем чемпионы Жанат Жақияновты қабылдады. Соңғы жекпе-жегін әлемнің 18 елі тікелей эфирде көрсеткен Жанат Жақияновты облыс әкімі Ерік Сұлтанов құттықтап, бұл үлкен жеңістердің бастамасы болсын деген тілегін білдірді.
Желбіреп туы аспанда, Қалықтап ұшқан қыраны. Талпынған биік асқарға, Шырқалып бейбіт жыр-әні.
