Дүниежүзілік бокс кеңесінің (WBC) басшылығы мексикалық Сауль “Канело” Альварес (46-1-1, 32 КО) пен қазақстандық Геннадий Головкин (34-0, 31 КО) арасында келіссөз жүргізу мерзімін 11 желтоқсанға дейін ұзарту туралы шешім қабылдады.
“Құлагер” ел чемпионатына биыл ғана қосылса да, қарсыластарына айбын танытып, барған сайын құлашын жаза түсуде. Өткен сенбі және жексенбі күндері жерлестеріміз бұған дейін төртінші орында тұрған “Теміртау” хоккейшілерін қабылдады.
Адамзат жүрегіне жазылмастай жара салған Екінші дүниежүзілік соғыстың тағылымы тарих бетінде жазылып қалғанына 70 жыл өтсе де, оның ақтаңдақтары әлі күнге дейін толық ашылған жоқ. Соның бірі Кар теңізінде 1944 жылы орын алған оқиға. Осының ақ-қарасын ашуды мақсат тұтқан Ресей Федерациясындағы еріктілер 2008 жылы арнайы топ құрып, зерттеуге кіріскен болатын. Экспедиция мүшелері кеше Петропавлдағы “Абылай …
Инцель қаласында конькимен сырғанау спортынан өтіп жатқан әлем кубогының үшінші кезеңі артта қалды, деп хабарлайды “Sports.kz”. “В” дивизионындағы 500 метрлік жүгірісте мәреге бірінші болып солтүстікқазақстандық Роман Креч жетті. Сөйтіп, өз тобында жеңіске жеткен Роман әлем кубогындағы ел құрамасының қоржынына қосымша 25 ұпай салды.
Облыс мектептерінде “Ана, менімен сөйлес!” атты ата-аналар конференциясы өтті. Петропавл қаласындағы №2 орта мектепте “Зорлық-зомбылықсыз балалық шақ” акциясы аясында өткен шараны білім басқармасы, Қазақстан халқы облыстық ассамблеясы, “Нұр Отан” партиясының облыстық филиалы бірлесіп ұйымдастырды.
Құрметті солтүстікқазақстандықтар! “Казгидромет” РМК филиалының мәліметіне қарағанда, 7, 8, 9 желтоқсан күндері облыс аумағында оңтүстік-батыстан соққан жел солтүстік-батысқа қарай ойысып, секундына 15-20 метрден 25 метрге дейін күшейе түседі. Кей жерлерде бұрқасын болады. Соған орай облыстық төтенше жағдайлар жөніндегі департамент қалыпты өмір сүруді қамтамасыз ету және төтенше жағдайлардың алдын алу үшін шара қолдануды ұсынады. Облыстық төтенше …
Кеше облыстық төтенше жағдайлар жөніндегі департаменттің баспасөз орталығында бақылау және алдын алу қызметі басқармасының бастығы, өртке қарсы қызмет полковнигі Біржан Кәрімов бұқаралық ақпарат құралдары өкілдеріне “Өңірдегі өрт жағдайы” тақырыбында баспасөз мәслихатын өткізді.
Петропавлдағы Ұлттық ұланның Әскери институтында Қазақ хандығының 550 жылдығына арналған айтыстың екінші кезеңі өтті. Аталмыш оқу орнының ақындық өнері бар 10 әскери қызметшісі, яғни 5 жұп ата тарихымыз, еліміздің бүгінге дейінгі даму жолын, қоғамда орын алып жатқан өзекті мәселелерді жырларына арқау етті.
Облыстық филармония өзінің 51-ші маусымының шымылдығын ашты. Өнер кешіне жиналған жұртшылық құлақтан кіріп, бойды алған ән-күймен бір жасап қалды. Қайсыбірін бөле-жара айтарсың, әндер шырқалды, күйлер шертілді, билер биленді. Филармония өзінің өңіріміздегі белгілі өнер шаңырағы екенін осылайша айғақтады.
“Нұр Отан” партиясының “Ұрпақтар сабақтастығы” жобасы аясында М.Қозыбаев атындағы Солтүстік Қазақстан мемлекеттік университетінің студенттері Петропавл қаласының құрметті азаматы Александр Липовоймен кездесті. Шара Қазақстан Республикасының Тұңғыш Президенті күніне орай өткізілді.
“Азамат асылып қалыпты!”. Осы бір жайсыз хабар әркімге әртүрлі әсер етті. Оны танымайтындар: “Қазіргі жастарға не болған?! Не жетпей жатыр, жап-жас келіншегі мен үш бірдей сәбиін еңіретіп кететіндей не көрінді екен?” – деп марқұмды сөккендей болса, бұл отбасындағы қайғылы жайдан хабары барлар: “Обал болған екен, қайтсін, намысы бар жігіт еді, итқорлыққа шыдай алмаған ғой”, – …
Астанада “Назарбаев Зияткерлік мектебі” дербес білім беру ұйымы филиалдары педагогтерінің арасында “Жылдың үздік мұғалімі” конкурсы өтті. Оған үстіміздегі оқу жылында ғана ашылған Петропавлдағы Назарбаев Зияткерлік мектебінің физика пәнінің мұғалімі Лариса Овчинникова қатысып, І орынды жеңіп алды.
Таяуда облыс орталығында болған ауыл шаруашылығы еңбеккерлерінің кәсіби мерекесіне арналған салтанатты шарада өңір басшысы Ерік Сұлтанов Мағжан Жұмабаев ауданындағы “Земля Возвышенки” ЖШС-нің директоры Оразғали Құдасбаевқа Ауыл шаруашылығы министрлігінің Құрмет грамотасын табыс етті. Осынау марапат агроқұрылымның қол жеткізген табыстарын лайықты бағалағандық деп түсіндік. Сондықтан болар, аталмыш ауданға барған іссапарымызда шалғай жатқан серіктестікке қарай арнайы ат басын …
Мемлекет басшысы Нұрсұлтан Назарбаевтың “Қазақстан жаңа жаһандық нақты ахуалда: өсім, реформалар, даму” атты Жолдауы ел экономикасы мен халықтың ахуалын жақсартуға, жаңаша өмір сүруге дағдылану мен жаһандық дағдарыс ызғарын еңсеруге, елдегі бірлікті сақтауға бағытталған. Стратегиялық құжатта кәсіпкерлікке қатысты көптеген мәселе айтылды.
Қазақстан халқына арнаған кезекті Жолдауында Нұрсұлтан Назарбаев жаңа жаһандық нақты ахуалда еліміздің даму бағытына ерекше назар аударды. Дағдарысқа қарсы және құрылымдық жаңарулардың бес бағытының төртеуі бизнес өкілдеріне арналған. Қаржы секторын тұрақтандыру, бюджет саясатын оңтайландыру, жекешелендіру және экономикалық бәсекелестікті ынталандыру, жаңа инвестициялық саясат – бұл тек мемлекеттік секторда ғана емес, шағын және орта, ірі бизнес үшін …
Әлемдік экономика дағдарысы біздің елімізді де айналып өтпеді. Сондықтан Президентіміз Нұрсұлтан Назарбаев өз Жолдауында экономикамызды одан әрі дамыту мәселесіне баса назар аударды. Қазақстан экономикасы шикізат аясында шектелмей, заман талабына сай бәсекеге қабілетті, ашық болуы керек. Елбасының бұл реттегі ұсынысы мемлекетіміздің әлемнің алдыңғы қатарлы озық 30 елінің құрамына еніп, алға қадам жасауына мүмкіндік береді. Сонымен қатар, …
Елбасы биылғы халыққа арнаған Жолдауында: “Бұл – тәуелсіздікті нығайту жолындағы өлшеусіз еңбегіміздің ширек ғасырлық белесін қорытындылайтын мерейлі сәт. Тәуелсіздікті баянды ету оған қол жеткізуден де қиын. Мемлекетімізді мызғымастай нығайта түсу үшін бізге әлі де өткелі күрделі, өкпегі көп бұралаң жолдардан өтуге тура келеді”, – деді.
Орталық коммуникациялар қызметінің облыстық филиалында өткен баспасөз мәслихатында Қазақстан Республикасы Президентінің халыққа арнаған “Қазақстан жаңа жаһандық нақты ахуалда: өсім, реформалар, даму” атты Жолдауын жүзеге асыру бойынша нақты шаралар жоспары мен бұған дейін атқарылған жұмыс жайында облыстық қаржы басқармасы басшысының орынбасары Марат Жәмәлиев баяндама жасады.
Алма Кенжебаева – Петропавл қаласындағы “Прогресс” ЖШС-нің білікті мамандарының бірі. 1994 жылы №1 кәсіптік училищені тігінші мамандығы бойынша тамамдаған ол бірнеше жыл шағын ательеде жұмыс істеген. Осыдан екі жыл бұрын аталмыш фабрикаға жұмысқа орналасты. Тұрақты жұмыс орнын тапқан Алманың да, қатарын білікті кадрмен толықтырған фабрика әкімшілігінің де көңілі орнықты. Алма сияқты тігіншілері бар кәсіпорын алдағы …
“Бизнестің жол картасы – 2020” бірыңғай бағдарламасы бойынша “Даму” қоры арқылы өңіріміздің медицина саласына да қолдау көрсетілуде. Осы саланың бес кәсіпкеріне мемлекеттің демеуқаржысы мен кепілдік шарасы жасалды. Оларға бөлінген қаржы – 61,4 миллион теңге.
