Өңір басшысы Ерік Сұлтанов қоқыс қалдықтарын сұрыптаумен айналысатын “Вторсырьё” және силикат кірпіш өндіретін “Алаугаз” жауапкершілігі шектеулі серіктестіктерінде болып, жұмыс жайымен танысты. Қызылжар ауданында күйдірілген балшықтан құрылыс материалдары мен кірпіш жасауды қайта жандандыруды жоспарлап отырған “СтройкомплексKeramos” серіктестігі мен “Орман” шағынауданындағы құрылысы жүріп жатқан балабақшада да болды.
Кеше кешкісін құбыр жарылып, Петропавл қаласының орталық көшелерінің бірін су басқан болатын. “Қызылжар су” жауапкершілігі жектеулі серіктестігінің оншақты техникасы мен жиырма маманы жедел іс-шараларды жүзеге асырды. Бұқаралық ақпарат құралдарына сұхбат берген “Қызылжар су” жауапкершілігі шектеулі серіктестігінің су жүйесі бөлімінің бастығы Александр Супонин:
Тұтынушылардың құқығын қорғау комитетінің Солтүстік Қазақстан облысы бойынша департаменті жүргізген тексеріс барысында облыстағы құрылыс материалдарын сататын сауда орындарының сапасыз цементті айналымға шығарғаны анықталды. Сөйтіп, мемлекеттік стандартты сақтамаған үш қазақстандық кәсіпорынға айыппұл салынды.
Петропавл қаласының көшелерінде радио арқылы өрт қауіпсіздігінің ережелері туралы ақпарат беріле бастады. Облыстық төтенше жағдайлар жөніндегі департаментінің ұйымдастыруымен үгіт-насихат сипатындағы үнхабарлар халық көп жиналатын 25 нысанда таратылады. Бастама иелері ұзақ мерзімді шара төтенше жағдайларды алдын алуға септігін тигізеді деген сенімде.
Қазақстан Республикасы Парламенті Сенатының депутаттары Ольга Перепечина мен Серік Біләлов “Нұр Отан” партиясының облыстық филиалында азаматтарды қабылдады. Кездесу барысында тұрғын үй және жұмысқа орналастыруға, тұрғылықты мекенжай бойынша тіркелуге қатысты мәселелер қарастырылды.
Облыста тұмау өршіп тұр. Соңғы аптада ғана өткір респираторлы вирустық инфекциямен ауырған 503 адам тіркелген. Олардың 50-і 1 жасқа дейінгі бүлдіршіндер, 341-і 14 жасқа дейінгі балалар және 11-і жүкті әйелдер.
Облыс орталығы көшелерінен қаңтардың 1-і мен 10-ы аралығында 47 мың текше қар шығарылды. Бұл жұмысқа 9 кәсіпорынның 108 техникасы жұмылдырылып отыр.
