Петропавл қаласында қар тазалау жұмыстарын сапасыз атқарған 7 коммуналдық кәсіпорын әкімшілік жауапкершілікке тартылды. Сонымен қатар,қыс басталғаннан бері 512 жеке кәсіпкер мен заңды тұлғаға өздеріне тиесілі аумақтағы қарды уақытылы тазарту жөнінде ескерту жасалған. Ескертуді елемеген 28 азаматқа абаттандыру ережелерін бұзғаны үшін 1 миллион теңгеге жуық айыппұл салынды.
Петропавл қаласы әкімі Марат Тасмағанбетовтың тұрғындар алдында есеп беру кездесуінде қоғамдық көліктер сынға алынды. Жолаушылар автобустардың суықтығына, орындықтарының лас екеніне және жүргізушілердің мәдениетсіздігіне, рөлде отырып шылым шегетініне шағымданды. Қала әкімі жолаушылар тасымалының сапасын жеке бақылап, аталған кемшіліктердің жойылуын қадағалайтынын жеткізді.
Облыс орталығында дуалды білім беруді дамыту мақсатындағы ақпараттық портал құрылды. “Master.kz” деп аталатын сайт – облыстық кәсіпкерлер палатасы мен “Өрлеу” біліктілікті арттыру ұлттық орталығы акционерлік қоғамының бірлескен жобасы. Кәсіптік білім беруді насихаттауды көздеген портал “әлеуметтік серіктестік”, “кәсіби бағдар”, “халықаралық тәжірибе”, “әдістемелік вектор”, “нормативтік-құқықтық” бөлімдерден тұрады.
Петропавлда көпқабатты үйлердің кіреберісіндегі қораптар мен жәшіктерден азық-түліктерді ұрлағандар ұсталды. 17 және 27 жасар ер азаматтар тұрғындар ұйқыға кеткен уақытта көкеністер мен қысқы азықтарына қол салғанын мойындап отыр. Осындай 7 оқиға домофон құрылғысы орнатылмаған үйлерде тіркелген. Қазіргі таңда Қазақстан Республикасы Қылмыстық кодексінің 188-бабы («Ұрлық») бойынша тергеу жұмыстары жүргізілуде.
Бүгінгі күнге дейін облыста жедел респираторлы вирустық инфекция жұқтырған 2612 адам тіркелген. Өткен аптамен салыстырғанда ауырғандар саны 3,1 пайызға төмендеген. Ауруханаға жатқызылған 131 адамның 12-і жүкті әйелжәне 22-і бір жасқа дейінгі балалар. Облыс бойынша бір балабақша мен 7 мектепте карантин тоқтатылса, тағы 9 білім беру мекемесіндеәлі де кезектен тыс демалыс жалғасуда.
Петропавлда бензин тасымалдайтын көлік апатқа ұшырады. Аталмыш көлік жүргізушісі тайғақ жолда рөлді басқара алмай, нәтижесінде қалалық су торабының төбесінде тұрып қалған. Жүргізуші зардап шеккен жоқ
Ауыл шаруашылығы тауар өндірушілерін Мемлекет басшысы Нұрсұлтан Назарбаевтың “Қазақстанның Үшінші жаңғыруы: жаһандық бәсекеге қабілеттілік” атты Қазақстан халқына арнаған Жолдауындағы субсидия бөлу қағидаларын қайта қарау қажеттігі туралы айтқан сөздері, ғылыми-зерттеулерге құйылатын инвестиция көлемінің молайтылғаны қуантып отыр.
Солтүстік Қазақстан облысының соттары еліміздегі он жеті соттың ішінде жұмыс сапасы бойынша көш бастап тұр. Бұл жөнінде Қазақстан Республикасы Президенті жанындағы Орталық коммуникациялар қызметінің облыстық филиалында өткен кезекті баспасөз мәслихатында айтылды.
Тимирязево ауылында өңір басшысы Ерік Сұлтановтың қатысуымен аудан әкімі Еркін Базархановтың тұрғындар алдындағы есепті кездесуі өтті.
Бұрнағы күні Сергеевка қаласында Шал ақын ауданының әкімі Ербол Сағдиевтің тұрғындар алдындағы есепті кездесуі өтті. Кездесуге облыс әкімі Ерік Сұлтанов қатысты.
Кеше облыс әкімі Ерік Сұлтанов қаладағы бірнеше әлеуметтік нысанда болып, жүргізіліп жатқан жұмыстардың жайымен танысты.
