Петропавлда Алғыс айту күніне орай 1-наурызда барлық зейнеткерлер қоғамдық көліктерде тегін жүре алады. “Солтүстік Қазақстан облысының автокөлік одағы” қауымдастығының төрайымы Галина Семенова бұл бастама мереке күні қарияларға қуаныш сыйлау, оларға алғыс білдіру мақсаттарын көздейтінін айтты.
Аққайың аудандық төтенше жағдайлар жөніндегі бөлімде жергілікті кәсіпкерлердің қатысуымен өткізілген “дөңгелек үстел” барысында шағын кәсіпкерлік нысандарындағы қарды уақытылы тазалау мәселесі талқыланды. Жиынға қатысқандар құқық қорғау органдары мамандарының ұсыныстары мен талап-тілектерін қолдап, жұмысты тиянақты орындайтындарын жеткізді. Қыс басталғаннан бері елді мекендерден 645 мың текше метр қар шығарылған.
Облыста “Борышкер” жедел алдын алу іс-шарасы қорытындыланды. 4 күнге созылған шараға жергілікті полиция қызметінің 300-ден астам маманы жұмылдырылды. Облыстық ішкі істер басқармасы бастығының орынбасары Қайрат Оразалиннің айтуынша, рейд қорытындысына сәйкес айыппұлын өтемеген үш адам әкімшілік жауапкершілікке тартылса, екеуі әкімшілік соттың шешімімен қамауға алынды. Тек қана “Жол жасауылы” арнайы автоматтандырылған жүйесінің көмегімен тұрғылықты мекенжайы бойынша төлемдерден …
Петропавлда оралған тауарлардың 35 түрі тексерілуде. Өткен жылы республиканың кей өңірлерінде салмағы қорабында көрсетілген санға сәйкес келмейтін өнімдер тіркелген болатын. Олардың қатарында кондитерлік және макарон өнімдері, жарма, қант және басқа да тұрмыстық тауарлар бар. Техникалық реттеу және метрология комитетінің Солтүстік Қазақстан облысы бойынша департаментінің мамандары тауардың салмағы мен көлемі, саны қораптың сыртында көрсетілген ақпаратпен сәйкес …
Облыс орталығындағы онкологиялық диспансерде 417 әйел жатыр мойны обырымен тіркеуде тұрса, оның 49-ы өткен жылы есепке алынған. І-ІІ кезеңдегі аурулардың үлесі 80 пайызды құрайды. 2016 жылы скринингтен 14392 әйел өтсе, 82-нде жатыр мойнының қабынуы, 79-нда обыр алды қабыну, 3-нде жатыр мойны обыры анықталған.
Облыстық тарихи-өлкетану мұражайында ЭКСПО-2017 халықаралық көрмесі мен Петропавл қаласының 265 жылдығына арналған “ХХ ғасыр – болашақ технологиялар көпірі” атты көрме ашылды. Жалпы саны 120-ға жуықтайтын ескі тұрмыстық техникалар, радиоқабылдағыштар, бейнемагнитофондар, теледидарлар, фотоаппараттар мұндағы құнды жәдігерлер саналады. Көрмені облыс тұрғындары тамыз айына дейін қызықтайтын болады.
Полиция қызметкерлері Петропавл қаласында бірнеше пәтер ұрлығына қатысқан қылмыстық топты қолға түсірді. Келлеровка селосындағы полиция бекетінде Петропавлдан Көкшетауға бара жатқан 26 мен 30 жас аралығындағы 4 ер адам ұсталды. Олардың үшеуі бұрын сотталған. Күдіктілер үй иелері болмаған кезде құлыпты басқа кілтпен ашып, ақша, бағалы бұйымдар мен құнды заттарды қолды қылған. Қазіргі таңда аталған іс бойынша …
