“Астана – Отанымның елордасы” атты әлеуметтік жоба аясында облысымыздың отыздан астам оқушысы арман қалаға саяхаттап келді. Оны ұйымдастыруға Астана қаласы әкімдігі мен “Астана Конвейшн бюро” жауапкершілігі шектеулі серіктестігі ұйытқы болса, облыстық білім басқармасы мен “SKY WAY” туристік фирмасы іске асырды.
Күнделікті дастарқанымызға құт-береке кіргізетін – нан. Сәбит Мұқанов атындағы облыстық ғылыми-әмбебап кітапханада “Диқанның алтын қолы” атты кітап көрмесі ұйымдастырылды.
Петропавл қаласының 36 жастағы тұрғыны есірткі сатты деген күдікпен ұсталды. Бұл азаматтан героин тәркіленген. Петропавл қалалық ішкі істер басқармасының есірткі бизнесіне қарсы күрес бөлімінің қызметкерлері күдіктіні Копай шағынауданында қолға түсірген. Оның полицейлер келген сәтте есірткі мен ақшаны пешке жағып жібермекші болған әрекетінен түк шықпады. Күдікті бұған дейін де есірткі заттарын саудалағаны үшін сотталған екен.
Облыстық тілдерді дамыту жөніндегі басқарманың ұйымдастыруымен мемлекеттік тілді оқыту орталығында “Қазақ әліпбиін латын графикасына көшіру” тақырыбында дебат ойындары өтті. Бұл шараға әр ауданнан мемлекеттік қызметшілер қатысты.
