Soltüstık Казахстан
Sábıt Muqanov atyndaǵy ǵylymı-ámbebap kіtaphana qory jańa 300 ádebıetpen tolyqty. Osyǵan oraı kіtap kórmesі uıymdastyryldy.
Kórmenі uıymdastyrýshylar bul joly túrlі taqyrypty qamtýǵa tyrysqan. Munda tarıhymyzdan syr shertetіn ádebıetter qatary basym. Máselen, qazaq handyǵy men Tsın ımperııasy arasyndaǵy saıası, dıplomatııalyq jáne saýda qatynastary jaıynda. Qytaı elі muraǵatynyń kóne materıaldary jınastyrylǵan kіtap bіrden kózge túsedі. Jergіlіktі tarıhshylar bul eńbekter oqyrman úshіn taptyrmas olja dep otyr. Ádebıetsúıer qaýym úshіn taǵy bіr jaǵymdy jańalyq, Mustafa Shoqaıdyń 130 jyldyǵyna oraı Alash arysynyń 12 tomdyq shyǵarmalar jınaǵy kórmege qoıylǵan.
Qazaqstan men Koreıa elderіnіń bіrlese atqarǵan jobasy nátıjesіnde jaryqqa shyqqan jańa týyndynyń da oqyrmanǵa qyzyqty bolary sózsіz. Onda qazaq halqy mádenıetіnіń negіzgі eskertkіshterі jaıynda baıandalady. Kórme sórelerіnen Elbasynyń qanatty sózderіnen turatyn “Astana” jınaǵyn da kezdestіre alasyz.
– Psıhologııa, menedjment jáne bıznes salasyn qamtıtyn kіtaptar jastardyń suranysyna ıe, – deıdі kórme uıymdastyrýshysy Elena Skakýnova.
Búgіnde atalmysh kіtaphana qorynda 600 myńnan astam kіtap bar. Olardyń qatary jyl saıyn 8 myńǵa tolyǵyp otyrady.
Gúlbıke KÝBENOVA,
“Soltústіk Qazaqstan”.