Елбасы Нұрсұлтан Назарбаев үстіміздегі жылдың 10 қаңтарындағы Жолдауында сыбайлас жемқорлықтың алдын алуға бағытталған іс-қимыл әрекеттері жаңаша қарқынмен жалғасатынын атап көрсеткен болатын. Сыбайлас жемқорлықпен күресудің негізгі бағдарламалық бағыттарын айқындайтын міндеттер қойылып, оның нәтижесінде мемлекеттік органдардың бақылау функциялары қысқарды және олардың жұмысы нақты қадағаланып, ашықтығы қамтамасыз етілуде. Мемлекеттің бизнеске араласуы азайды.
“Азаматтарға арналған үкімет” мемлекеттік корпорациясы өткен жылдың желтоқсан айында биометрия жобасын іске қосқан болатын. Осы бір ай ішінде деректер базасына тіркеліп, мәліметтерін қалдырған азаматтардың саны 1473-ке жетті.
Жуырда ел бойынша кәсіпкерлер арасында алғаш рет сауалнама жүргізілмек. Шара барысында 1 млн. 200 мыңнан астам бизнес өкілін қамту көзделіп отыр. Бұл туралы Орталық коммуникациялар қызметі облыстық филиалында өткен баспасөз мәслихатында айтылды.
Қазақстан Республикасының Ұлттық банкі былтыр күзде “Астана банкі” акционерлік қоғамын банктік және басқа да операцияларды жүргізу лицензиясынан айырған болатын. Үстіміздегі жылдың 9 қаңтарынан оның салымшылар алдындағы қарызын төлеу “Еуразиялық банк” акционерлік қоғамына жүктеліп отыр. Қазақстанда соңғы жиырма жыл бойы депозиттердің кепілдендірілген жүйесі жұмыс істейді. Сондықтан таратылатын “Астана банкі” АҚ-ның клиенттері өздерінің салымдарын алатынына сенімді болуы …
Петропавл қаласындағы химия-биология бағытындағы Назарбаев зияткерлік мектебі “Қазақ әндері” жобасы аясында “Солтүстік жұлдыздары” атты ән байқауын ұйымдастырмақшы. Қазақтың үздік әндерін насихаттау, мектептің дарынды балаларын анықтау мақсатында өтетін шараға өңіріміздің кәсіби әншілері тартылмақ. Олар оқушылармен бірге ән шырқайтын болады. Қатысушылардың актерлік шеберлігі, дауысы, сахналық киім үлгілері де бағаланатын болады.
“Халықаралық бағдарламалар орталығы” АҚ-ы ағылшын тілінде қысқы ҰБТ-ны үздік тапсырған түлектерге шетелдік жоғары оқу орындарында білім алуға арналған грантын сыйламақ. Бұл бастаманың мақсаты – мектеп түлектерінің жоғары оқу орындарына түсу мүмкіндігін арттыру.
“Болашақ” халықаралық стипендиясының аясында биыл магистратура мен докторантура бағдарламалары бойынша оқуға түсуге 555 стипендия бөлінбек. Стипендия тағайындау конкурсына қатысу үшін үміткерлерден құжаттар қабылдау 18 ақпан мен 31 тамыз аралығында жүргізіледі.
Электронды күнделіктің енгізілгеніне екі жылдан артық уақыт өтті. Осы кезеңде ол талай сынға ұшырап, кемшіліктері түзетіліп, бірқатар өзгерістер жасалды. Ең бастысы, оның мұғалім мен ата-анаға да бірдей пайдасы барына көз жеткізілді.
Оқушылардың танымдық қабілетін дамытып, білім беру сапасын арттыру, шығармашылық белсенділігін жетілдірудің тиімді әдіс-тәсілдерін іздестіру – өзекті мәселелердің бірі. Дүниежүзілік жаһандану үрдісі ақпарат алудың сан қилы жолын қалыптастырды. Міндетті білім беру бағдарламалары, арнайы оқулықтар, ақпарат алмасу көздері адамдардың өз бетінше білім алуына бағытталған. Сондықтан мұғалім білім беруде бұрынғыдай жетекші рөлге ие емес. Дегенмен, ұстаздар алдына оқушыларды …
Мұғалім – мектептің жүрегі. Соңғы кездері ұстаздың абыройы мен мәртебесі жиі қозғалатын тақырыпқа айналды. Оған мұғалімдердің бала оқыту қуанышынан гөрі мұң-шерін көбірек баяндауы, оқушылардың ұстаздарды балағаттауы немесе оқытушының шәкіртіне қол көтеруі сияқты оқиғалардың жиі орын алуы да себеп. Өкініштісі, осындай жағдайлар туралы естігенде, селт етпейтін болдық.
Әрбір баланың толыққанды дамып, білім алуға құқығы бар. Мамандардың уақтылы және кәсіби көмегі денсаулығында кінәраты бар балалардың өмірін жақсы жаққа өзгертіп, жарқын болашағының кепілі бола алады. Оларды ортаға бейімдеп, мектеп қабырғасында білім алуға дағдылауды басты міндеті еткендердің бірі – Петропавл қаласындағы психологиялық-педагогикалық түзету кабинетінің ұжымы.
Біздің мектебімізде 25 сынып жетекшісі бар. Олардың әдістемелік бірлестігі өздеріне жүктелген жауапкершілікті сезіне отырып, үнемі жұмыс нәтижесін арттырудың амал-тәсілдерін іздестірумен келеді.
М.Қозыбаев атындағы Солтүстік Қазақстан мемлекеттік университетінде “Қазіргі білім беру жүйесі, оқытудың жаңа педагогикалық технологиялары” тақырыбында семинар өтті. “География және экология” кафедрасы ұйымдастырған шараға оқытушылар мен студенттер қатысты.
Петропавл қаласының әкімі Марат Тасмағанбетов құрылыс-экономикалық колледжінің мәжіліс залында шаһардың солтүстік бөлігі тұрғындарының алдында есеп берді. Биыл да бұл шара “Facebook” әлеуметтік желісіндегі “Ашық Петропавл” және “Петропавл SQO” топтарында тікелей көрсетілді. Алдымен Марат Иманбайұлы облыс орталығының өткен жылғы әлеуметтік-экономикалық даму көрсеткіштеріне тоқталып, қалада атқарылған ілкімді шаруалар жайлы баяндады.
Қазақстан Республикасы Президенті Әкімшілігінің және Мамлют аудандық мәслихаты депутаттарының келісімімен, Солтүстiк Қазақстан облысы әкiмiнің өкiмiмен Руслан Әкімжанұлы Аңбаев Мамлют ауданының әкімі болып тағайындалды.
Облыс әкімінің бірінші орынбасары Айдарбек Сапаров Мамлют ауданы активіне жаңадан тағайындалған аудан әкімі Руслан Аңбаевты таныстырды.
Астанадағы “Нұр әлем” павильонында Елбасы Нұрсұлтан Назарбаевтың қатысуымен өткен “Жастар жылының” салтанатты түрде ашылуын өңір жастары облыстық әкімдікте және М.Қозыбаев атындағы СҚМУ-де тікелей эфирден тамашалады.
Елбасының тапсырмасына сәйкес облысымызда коммуналдық тарифтер бағасының негiзсiз өсуiне жол бермеу бағытында ауқымды жұмыстар атқарылуда. Тарифтердің төмендеуі тұтынушыларға жылына 700 млн. теңге үнемдеуге мүмкіндік берді. Бұл туралы “СевКазЭнерго” АҚ-нда жүзеге асырылып жатқан жаңғырту жұмыстарының барысымен танысқан облыс әкімі Құмар Ақсақалов айтты.
